荳子 (海壩街) (已結業)

琴日同班姊妹出去食飯，想搵個坐得舒服d又傾到計嘅地方，就揀咗Beans啦佢個餐牌都有好多選擇，重要係跟set有杯野飲，超抵食👍🏻我地叫咗個黃金蟹肉意大利粉，佢上面重擺咗個蟹殻做裝飾，食落都多蟹肉，重有蟹柳，總之就係正啦🤤本身就好鍾意食菌類，所以又叫咗個黑松露什菌意大利飯，無論係黑松露定什菌都好足料，隨時隨地重多過d飯🙈之後重叫咗個開心果馬蘇里拉芝士薄餅配蜜糖，不過冇影到相，d蜜糖畀得好夠，成個薄餅都係芝士，而芝士上面鋪滿咗碎嘅開心果，勁好食！野飲方面我就唔想飲跟set嘅野飲，叫其他野飲就野飲嘅正價減8蚊，咁我就叫咗杯凍榛子朱古力，榛子味同朱古力好夾，唔會話太甜，上面重有d cream令到杯野飲更順滑，更易入口。