拉麵台風

營業中

休息中

情人節到處都係排隊場面，行經呢間店門口發現隊伍甚長，好奇之下走去隊尾，排左陣，就有店員行過黎叫我同友人填選餐表，填表期間聽到後面有客人講日文，而驚人既係店員亦用流利既日文對答😵，而且發現店員都好親切有禮貌，甚至記得黎過既客人。排左感覺上成個鐘既隊，終於入到去，店內佈局好似平時拉面店咁，大部份位置都係對住廚師煮麵，店員帶我地入座，我地既位置就係最入既面壁，入座既時候，店員好似高級西餐廳咁幫你拉凳，重用一招觀音送抱推返張凳去適當位置，坐好左重即時幫我地擺好行利😊，放完行利，坐左一陣拉面就上枱，而且發現佢地原來係選餐表記低左我地著咩色衫，方便上麵俾個別既客人，好細心！張選餐紙上同平時拉麵店一樣，有得揀麵既軟硬度、分量，香油、醬汁多定少等等。枱面重有食面教學，我揀既係番茄湯底，叫伊台風，朋友揀既就係魚介豬骨湯，兩隻湯底都係非普通液態，而係有d杰既特濃湯，而且叉燒又大大塊，麵既分量又多，伊台風既叉燒上面重有啲燒過既芝士，幾香，味道雖然唔可以話好好味，但都okay！重有就係我地揀既係普通硬度既拉麵覺得啱啱好，唔知其他人既硬麵係點既呢😆當你開始食既時候，店員居然貼心到拎左一兜橡筋過黎話怕我地頭髮長容