大紅袍火鍋料理

營業中

休息中

天氣一轉涼，又想打邊爐，之前啲人講過呢間荃灣大紅袍火鍋料理專門店配料高質，就嚟咗試吓～個場好大，枱與枱之間空間感十足，唔會好迫！我哋揀咗椰子雞湯底，湯底幾濃郁，等水滾之後，就自己將兩個椰青水倒落去，再等水滾就可以落埋半隻雞～煲出嚟啲雞都唔會好肥膩，仲幾嫩滑🙂有好多款配料可以揀，小食，刺身，牛肉，手打丸，餃子，粉麵，時蔬咩都有～的確佢哋嘅配料相當唔錯👍🏻我哋最推介大紅袍牛肉五拼同海中蝦滑，牛肉五拼咩都有，賣相超靚，牛舌粒爽口～而蝦滑都好彈牙，蝦味濃郁～整體唔錯！