樂斯茶餐廳 (已結業)

開場白就唔想講太多，因為始終食餐晚飯又邊有咁多說話好講。睇親啲大食家寫嘅食評，個個都話朋友生日、自己生日、又話阿媽生日、又話約朋友、又話約呢個約嗰個，我冇乜friend，真係費事講咁多。通常香港人都會知道，到得茶餐廳最好淨係叫 A，B，C 餐嗰啲就伏，餐牌裏面嗰啲食品，可能佢哋好少整，未必好食，但係嗰日餐廳嗰啲 A，B，C 餐真係冇一個啱我，我就唯有睇餐牌。我就叫咗個鮮茄牛肉燴意粉，個鮮茄汁其實係罐頭茄膏煮成嘅，一啲鮮茄味都冇， 牛肉係又淋又或 (因為好多師傅)，意粉好多意粉又肥又淋又大，勁有茶餐廳風味。凍檸檬茶好甜，茶底唔夠味，檸檬又唔夠味，冰都唔少。