樂斯茶餐廳 (已結業)

傍晚到石硤尾上堂，因課程要三小時，醫肚為先。看見很多店已關燈，惟獨是這間有光，便去看看。店舖門口有個大魚缸，養了很多大金魚，很漂亮。這間舖又窄又長，雖然裝修簡單，已顯出心思。據老闆説，晚餐餐牌每天不同，餐牌樣子簡陋，但無所謂，最重要的是味道。我不想食西餐，便選了冬瓜豆卜手打豬肉丸及熱檸水。5到10分鐘左右，飯餸已上抬。我先試件冬瓜，很腍及入味，不會過咸或淡而無味，兼且無味精。接著試其肉丸，是由7到8份瘦豬肉，配少少肥肉做，剁得幼滑，好味！😋😋😋 雖然套餐只收$40，但這個餸有5粒肉丸，還有豆腐卜，味道啱啱好。整體而言，這個菜很有家的味道，絶對值得支持及繼續惠顧。…查看更多

成個石硤尾，想搵間茶餐廳食個早餐，又想嘆番杯即磨咖啡，都冇乜其他選擇㗎啦！平時慣咗朝早去大快活食早餐，但係過咗11點就乜都冇。呢間早餐做到11:30 ， $29大大份又抵食。而且仲係即磨咖啡添啊！成條街都冇咁平民嘅即磨咖啡飲㗎 ！早餐選擇好多，香港人最愛沙嗲牛麵就當然唔少得啦！牛肉夠林沙嗲夠香，個麵都唔錯！我今次揀咗最邪惡嘅，午餐肉拼腸仔。冇得着啦！而且呢度嘅多士看得夠香脆。$29食到一個咁豐富嘅早餐，真係飽到午餐都唔使食啦！哈哈哈哈哈。…查看更多

開場白就唔想講太多，因為始終食餐晚飯又邊有咁多說話好講。睇親啲大食家寫嘅食評，個個都話朋友生日、自己生日、又話阿媽生日、又話約朋友、又話約呢個約嗰個，我冇乜friend，真係費事講咁多。通常香港人都會知道，到得茶餐廳最好淨係叫 A，B，C 餐嗰啲就伏，餐牌裏面嗰啲食品，可能佢哋好少整，未必好食，但係嗰日餐廳嗰啲 A，B，C 餐真係冇一個啱我，我就唯有睇餐牌。我就叫咗個鮮茄牛肉燴意粉，個鮮茄汁其實係罐頭茄膏煮成嘅，一啲鮮茄味都冇， 牛肉係又淋又或 (因為好多師傅)，意粉好多意粉又肥又淋又大，勁有茶餐廳風味。凍檸檬茶好甜，茶底唔夠味，檸檬又唔夠味，冰都唔少。…查看更多

有驚喜的小店👍🏻今日約咗朋友去石硤尾南山邨，出發前隨意找咗間茶記--樂斯食早餐叫咗個吉豬早餐，估唔到係即叫即整！等咗20分鐘，不過都無妨，反正唔趕時間。上菜時確實不錯，香氣撲鼻而來，吉列豬既份量足，比起大x樂等連鎖快餐店確實好d，而且新鮮做起真係熱辣辣幾好食，配d沙律醬減走熱氣，確係個Good morning！埋單都係35蚊，個人覺得比連鎖店cp值高，不過不失，吉豬算係有驚喜，下次有機會黎都會再食。…查看更多