更多
2022-09-12
407 瀏覽
餐牌都多選擇，每款都可以揀湯餃/煎餃，入鋪聞到幾香已經好期待，叫咗大路嘅白菜豬肉煎餃，諗住點都會好食，點知就中大伏😵💫等上菜等咗好耐，不過係即叫即煎所以都可以接受等耐d，一上枱嘅時候聞到好香，咬落去先知出事，白菜苦到痴線，咬咗一啖已經苦到想嘔，未試過食到咁難食嘅白菜豬肉餃🤮另外叫咗紫菜豬肉湯餃，點知入面有椰菜，本身唔鍾意椰菜，食到懷疑人生… 紫菜同豬肉味道唔夾，唔推薦煎餃會送碗湯，同湯餃嘅湯底一樣，見餐牌寫到咁足料又冇味精，本身都幾期待，點知鹹到…完全中伏嘅晚餐，食完應該短期內都無勇氣食餃子，唯一可以讚嘅係餃子皮煎得幾香，建議可以食煎餃走餡，齋食餃子皮都冇咁嬲😐
張貼
