🇹🇼 台北倆伴 偏重口味嘅台灣菜 *榨菜肉鬆蛋餅 冇乜蛋味都冇榨菜味，不過幾好食😂 *紅燒牛肉手工麵 個麵底口感唔錯，牛肉超級無敵腍，可惜個湯底完全唔辣 *古早滷蜜汁排骨便當 好豐富好多小食，蜜汁排骨好好味！滷肉有少少過鹹，反而肉鬆撈飯幾正👍🏻 *麻辣鴨血臭豆腐 （唔記得影相🤣） 正正常常冇咩特別 假期去真係超級多人，入座後限時60分鐘，落單後幾分鐘已經上菜，好有效率🔥 雖然好忙，但係店員都好好服務，值得一讚👍🏻

落完單等緊嘢食嘅時候，坐坐下聞到一陣陣臭味（似係霉味/臭毛巾味），聞到臭味嗰陣已經心知不妙，奈何已經落咗單🤦🏻‍♀️ 海南雞飯係超級多油嘅白切雞，啲肉好韌，每一啖都好似訓練緊咀嚼肌咁，碗油飯乾到好似未煮熟咁😓 湯飯剩係得麻油味，啲牛落重梳打粉，成碗嘢多油到食唔落🤮 兩個飯都係咁難食，再加埋每隔一陣就會飄嚟嘅臭味…食得好痛苦🤢 之後都係頂唔順要放棄🤮 ❌❌❌永久blacklist ❌❌❌

喺香港真係好難搵到一間正宗嘅印尼手打麵，之前舊鋪執笠好唔開心，好彩好快就喺附近開返！ 手打麵有湯麵同撈麵揀，兩款嘅配菜係一樣嘅，個人私心最鍾意蝦餅同叉燒🤤 麵底係偏幼身嘅手打麵👍🏻食落有少少酸，鍾意酸味嘅可以再加醋。 睇落細細碗，其實食落都幾飽，配菜都有好多（炸豬皮、叉燒、魚蛋、細雲吞、肉碎、芽菜），50幾蚊真係好抵食😆 另外嗌咗杯珍多冰，屋企人每次食都會嗌，應該真係好好飲😆 新鋪比舊鋪大，不過比以前更加旺場，平日中午去都等咗10幾分鐘先有位🌞🌞🌞

餐廳裝修好吸睛，好有地道韓國feel🇰🇷 星期日晚全場坐滿，本身都幾期待，點知中伏😩 招牌炸雞全份(甜辣+柚子) $168 係無骨嘅雞件，好大陣雪味，d雞又乾又柴…醬係另上嘅，D雞本身好似無醃過咁，點咗醬都係得層皮有味🤦🏻‍♀️ 甜辣醬係間間韓國餐廳都食到嘅味，不過完全唔辣，柚子醬同平時沖嗰啲柚子蜜味道一模一樣😗 D雞真係好難食，食完成口雪藏肉味，食咗2嚿就放棄😵‍💫😵‍💫😵‍💫 泡菜豬肉豆腐鍋 $108 冇乜泡菜味，有3片五花肉，味道正常無咩特別，份量少 紫菜麻油白飯 $18 只係將現成嘅調味料加上去，無嘢可以挑剔😂 原本好期待試新餐廳，但係嗰啖雪藏味真係太可怕，暫時係食過最難食嘅炸雞🤮

晏晝諗住食碗米線，食到最後見到黑色一隻嘢，望真啲竟然係曱甴😨😨😨😨😨重要食到最後先見到，已經唔知都唔敢諗啱啱有冇唔小心食咗啲手手腳腳🥲🥲🥲 同店員講碗麵有曱甴，店員有講唔好意思，亦都即時退錢，話會再跟進返有關情況，都幾有禮貌嘅，希望真係會改善下衛生問題🤢 真係冇諗過食個午餐都會咁黑仔，雖然不嬲都知道所有餐廳廚房唔會話太乾淨，不過冇諗過可以咁好彩食到碗曱甴麵… 永久black list 呢間野

. Thailand Wok 泰瀾鑊 🇹🇭 👩🏻‍❤️‍👨🏽情人節決定試新餐廳 睇相已經覺得環境好靚，現場睇室外環境80分，室內就70分（冇咩特別🤣 喺OpenRice book咗枱，等咗5分鐘左右就可以入座👍🏻 如果嚟食嘅話一定要嗌燒安格斯牛小排😍 好食到驚艷！！就咁食牛肉完全唔會乾，大概5成熟，點埋個汁重好食🤤🤤🤤 另外蒜蓉金磚都唔錯，唔會剩係得個面有蒜蓉味，每一嚿都好香🧄 紅咖喱配燒雞扒一般，雞扒好乾唔好食，咖喱汁偏重椰汁味，用嚟點麵包就還可以 乾炒金邊粉第一啖食落好有楊州炒飯feel😂 好足料，不過d粉好碎🤔 都可以一試👌🏻 用咗OpenRice訂枱減$50優惠，埋單💰$436💰 所有食物都大大份，價錢都唔貴，雖然個位真係有少少格攝，不過cp值高，可以接受🤭

屯市呢幾個月真係好咗好多新餐廳，每次去都見到有新舖頭，今次就決定試吓呢間台式火鍋🍲 最平嘅餐$269，我哋揀咗第二級澳洲純和牛套餐$299(星期日+$20)，價錢都唔算平，不過勝在有好多款台灣小食同飲品，等位嘅時候見到入面每一台都飲好多杯😂好佩服大家嘅戰鬥力🤭🤭🤭 🍢台式小食好高質，每份兩三件，份量唔多所以可以試到好多款😋香腸同蘿蔔必食！！大部份小食都好味，唯一唔太喜歡嘅係份雞扒，醬汁好鹹🫢 🐮牛肉每份都係兩至三片，澳洲純和牛好有肉味，脂肪分布平均，唔會食到一大舊肥膏😎 封門柳一份有好多片，我哋都唔太鍾意個口感🤫 🐔花雕雞好滑無咩酒味，值得一讚嘅係完全冇骨😍 🍲麻辣鴨血湯底好失望，冇麻辣湯嘅香味，湯底仲要一嚿鴨血都無…滾到就嚟冇湯嘅時候辣味先出到嚟，不過都係唔香😟 豬骨湯清清地反而唔錯，想食辣嘅都係另外整辣椒豉油開心啲🌶️ 🧋台式飲品高質到難以置信，黑糖珍珠牛乳好好飲！！！飲到最後一啖都係好濃嘅黑糖味，叫咗正常甜度都唔會過甜，如果唔係太飽一定會飲多兩杯🥹 試咗幾款飲品，真係估唔到火鍋店嘅飲品都會咁出色👍🏻 本來覺得三百幾蚊打邊爐太貴，食完就覺得都值嘅，食物多款式，冇甩過單，上菜同執枱都好快手👍🏻不過90分鐘真係有少少趕，要試多幾樣嘢真係把口冇停過👅💦 💰埋單$702/2人，有下次😎 **大家就算唔打邊爐，強烈建議經過買杯黑糖珍珠牛乳試下，因為真係 好 好 飲 ！！

*忌廉蘑菇湯 ($28) 好重好重蘑菇味，鍾意食菇嘅必試！ *蒜蓉多士 ($28) 燶到微苦，唔夠香蒜茸味，建議唔好嗌🫢 *香草烤雞雜菌蕃茄意粉 ($78+$10加大) 味道一般無咩特別，下次可以略過 *雙重辣味煙肉蒜香魔鬼意粉 ($68+$10加大) 好夠辣🌶️🌶️🌶️🌶️🌶️唔食得辣嘅千祈唔好叫😂 第一啖覺得一般，食食下又辣得幾過癮😋 值得一試👍🏻 *美式辣肉腸披薩10” ($108) 上次食過好好味，嗌個大嘅食返夠本🍕 批底係超級薄個種，兩個人share都食得曬 食物整體黎講正正常常，意粉可以加大份量好貼心👍🏻 店員好好笑容，上菜快，服務💯💯💯 用OpenRice 訂位$300-$50，食咗咁多嘢都係$260，性價比超高😎

🇭🇰 天氣咁凍真係好適合食件熱辣辣嘅點心，再飲杯辣口嘅熱茶🫖 睇點心紙見到好多款都係得兩件有啲嚇親，平時飲茶不嬲都係一盅三/四件，兩件真係令我哋有少少卻步🥺 不過上枱嘅時候先發現原來點心比平時大件好多，有種四粒濃縮成兩粒嘅感覺😂 大推 🌟黑松露野菌粉果🌟 🌟金銀菜燉豬肺湯🌟 蝦餃燒賣都足料，每一粒都食到幾隻🦐，味道就正正常常 薑蔥牛柏葉 好重胡椒味，重到食唔到其他味😵 豉椒排骨飯 白飯粒粒分明，不過唔知點解成兜飯都好濕🤔 排骨味道比一般嘅清淡 不推薦 ❌雪山叉燒包❌ 餡料偏少，外皮好重奶味（個人唔太喜歡 本身覺得價錢小貴，不過點心大大件所以都可以接受，值得一讚嘅係點心上枱嘅時候全部都熱到辣手🔥🔥🔥 🫖元朗點心暫時首選都係隔離勝記🤤 比較注重環境嘅話就8號茶居坐得舒服啲💁🏻‍♀️

每次行過都有人龍排緊隊買飯，今日好彩竟然唔使排😆 燒味飯單拼$26雙拼$28，叫咗腩仔拼叉燒$30，一打開個飯盒嗰陣嚇親，多到我以為自己買咗盒淨餸🤯 叉燒味道同口感都一般般，腩仔唔會太肥反而唔錯，白飯唔會煮得太淋🍚 呢個份量真係一個人唔會食得晒，好努力先食晒啲肉，下次一定要叫少飯😵 飯盒全部都會跟一盒嘢飲，抵食👍🏻 值得一提嘅係呢間燒味檔啲師傅好有禮貌，又好好笑容💯 最緊要係找錢唔會找到成手油😆 價錢平服務又好，抵佢多人幫襯嘅😎