影片
更多
2017-06-23
3701 瀏覽
鮮入圍煮呢個名都改得幾正，食字得好有意思。在十點放工一下，當然馬上衝閘，趕到老公的身邊。好幸福，能夠得到老公的照料，帶我去旺角打邊邊。已經比較少出旺角，仲以為登打示廣場得cafe，原來仲有一個咁有主題嘅火鍋場。湯底方面都十分之多選擇，我哋就揀咗花膠雞湯，夠滋補。上菜嘅時候見到煲雞湯一面有一層黃黃的，看來雞的脂油都被煮了出來，而且啲湯滾起嘅時候聞到陣陣嘅香味，店員叫我哋等上菜嘅時候可以先飲湯，個湯真係勁足料，估唔到呢個價錢佢都比咗好多花膠仲有半隻雞。老公對我照顧周到，幫我勺咗一碗先仲比咗最好味嘅雞翼批我食啊，個雞湯超濃郁，好香雞肉味，想起好久之前媽媽都煲過雞湯比我補身，就係呢隻味。雞肉同花膠都煮到好淋，不錯。醒起又真係好耐冇食豆苗，見菜單有得點，就叫咗一份，上菜嘅時候見到啲豆苗都幾新鮮，而且放在啲雞湯度滾左一陣，變得更加碧綠！食落口，十分之嫩口，好青新，啲雞湯加入左豆苗煮一煮之後，有少少菜味，更加好飲。老公點咗魚皮餃同芝心牛丸比我食，夾咗粒牛丸比我食之時，老公細心地叫我小心點食，咬少少試下先，果下先知原來係芝心牛丸來的，芝心丸就食得多， 原來牛丸都可以做到芝心的效果，牛丸幾彈牙，咬開有香
鮮入圍煮呢個名都改得幾正，食字得好有意思。
在十點放工一下，當然馬上衝閘，趕到老公的身邊。好幸福，能夠得到老公的照料，帶我去旺角打邊邊。已經比較少出旺角，仲以為登打示廣場得cafe，原來仲有一個咁有主題嘅火鍋場。
湯底方面都十分之多選擇，我哋就揀咗花膠雞湯，夠滋補。
上菜嘅時候見到煲雞湯一面有一層黃黃的，看來雞的脂油都被煮了出來，而且啲湯滾起嘅時候聞到陣陣嘅香味，店員叫我哋等上菜嘅時候可以先飲湯，個湯真係勁足料，估唔到呢個價錢佢都比咗好多花膠仲有半隻雞。
老公對我照顧周到，幫我勺咗一碗先仲比咗最好味嘅雞翼批我食啊，個雞湯超濃郁，好香雞肉味，想起好久之前媽媽都煲過雞湯比我補身，就係呢隻味。雞肉同花膠都煮到好淋，不錯。
醒起又真係好耐冇食豆苗，見菜單有得點，就叫咗一份，上菜嘅時候見到啲豆苗都幾新鮮，而且放在啲雞湯度滾左一陣，變得更加碧綠！食落口，十分之嫩口，好青新，啲雞湯加入左豆苗煮一煮之後，有少少菜味，更加好飲。
老公點咗魚皮餃同芝心牛丸比我食，夾咗粒牛丸比我食之時，老公細心地叫我小心點食，咬少少試下先，果下先知原來係芝心牛丸來的，芝心丸就食得多， 原來牛丸都可以做到芝心的效果，
牛丸幾彈牙，咬開有香溜的芝士溶出來，幾驚喜，唔敢話牛丸同芝士係天生一對，但呢個組合幾創新，味道不錯。仲點了美國肥牛同出前一丁面。
張貼
