鍋霸吃到飽台式養生火鍋 (莊士倫敦廣場)

營業中

休息中

又係佐敦之友幫你試食嘅時間， 今次係去倫敦廣場打邊爐- - “鍋霸吃到飽台式養生火鍋”。老實講養唔養生就唔知，但星期日14:00去完全唔洗等位，但我都有經open rice 訂坐，因為有8折同用已登記恒生咭有優惠。我哋2個人佢哋比左卡位我，坐得舒服，而且唔限時可以慢慢食，佢有3款唔同價錢嘅餐，我哋揀左中間果個，即係折實共$735埋單，湯底就有成16款比大家慢慢揀。一嚟到佢會送黃金魚皮，其他野就可以自己order。 牛肉我覺得係正常任食野，ok啦～ 魚雲就切到好碎，依個就完全唔掂。海鮮正常新鮮，其他都係正路野，最好食反而係芫荽燒賣，幾有驚喜。飲品唔包酒精飲料，要另外加錢Overall 食物係正常野，但hea下，傾下計，肚餓又食下飲下嘅話，我覺得環境和服務都係唔錯嘅。