影片
更多
2015-05-07
17602 瀏覽
今日係超級星期二，一位折左連加一都係330。如果就唔到時間星期二食，平日都係468+10%，信用卡有85折！真係好抵 已經提前訂位，黎到就即刻有得入座，今日得一段時間由6點食到9點半 主題係加勒比海鮮，多款食物同醬汁都為配合主題而設！真係好有誠意 首先講講個環境先，地方闊絡，坐得好舒服！雖然人多，但一啲都唔迫 而且呢度新酒店，裝修設計都仲好新淨。一入去就見到沙律吧，跟住就見到凍盤，再黎甜品同熟食檔。 一入坐緊係食個凍盤先 好多選擇啊，青口都有2款！仲有刺身、扇貝、海蝦、蟹腳、小龍蝦同大大隻既龍蝦 睇到紅噹噹都開心。仲有好多款醬汁可以簡 雖然見到數量小小，其實一路都有staff補貨。咁樣做仲可以保持食物衛生，唔會停留係室溫太耐！開邊龍蝦100個讚啊！啖啖肉的又鮮甜 仲有大大個龍蝦拑！食左好幾隻好滿足。就算唔食，見到大大隻都開心。其實本身都夠鮮味，但最後都有簡菠蘿沙沙醬同番茄醋汁做配搭，粒粒菠蘿配龍蝦 出奇地配合，再配上番茄醋汁既酸酸甜甜扇貝同醬料一齊上的，大大隻貝同醬料配合得好靚。 2款青口都試過，藍青口鮮味d，紐西蘭青口肥美d，各有各
已經提前訂位，黎到就即刻有得入座，今日得一段時間由6點食到9點半
主題係加勒比海鮮，多款食物同醬汁都為配合主題而設！真係好有誠意
首先講講個環境先，地方闊絡，坐得好舒服！雖然人多，但一啲都唔迫 而且呢度新酒店，裝修設計都仲好新淨。一入去就見到沙律吧，跟住就見到凍盤，再黎甜品同熟食檔。
一入坐緊係食個凍盤先 好多選擇啊，青口都有2款！仲有刺身、扇貝、海蝦、蟹腳、小龍蝦同大大隻既龍蝦 睇到紅噹噹都開心。仲有好多款醬汁可以簡 雖然見到數量小小，其實一路都有staff補貨。咁樣做仲可以保持食物衛生，唔會停留係室溫太耐！
開邊龍蝦100個讚啊！啖啖肉的又鮮甜 仲有大大個龍蝦拑！食左好幾隻好滿足。就算唔食，見到大大隻都開心。其實本身都夠鮮味，但最後都有簡菠蘿沙沙醬同番茄醋汁做配搭，粒粒菠蘿配龍蝦 出奇地配合，再配上番茄醋汁既酸酸甜甜扇貝同醬料一齊上的，大大隻貝同醬料配合得好靚。
2款青口都試過，藍青口鮮味d，紐西蘭青口肥美d，各有各好。都係以菠蘿沙沙配搭 小龍蝦，點左木瓜檸檬汁，ichibang 不過太難搣啦，拎左一隻食就收工
呢碟咁肥美刺身真係不得了！岩曬中意食三文魚既你妳您！如相所見新鮮、肥美、厚切……
黎到熟食，羊咩出場了！厚切大舊既羊架同燒羊肉 驚喜啊！肉質好滑加上香濃既羊肉味同燒汁配搭，結果一個人食左3舊。呢小碗芝士蟹肉薯蓉 香濃既芝士味同蟹味一齊，是恆久不變既最佳拍檔
仲有烤豬肋骨，好好食哦 雖然整法好普通，都冇bb ribs個種嫩口，但同酸酸甜甜既醬配搭，實在再好食了。一個人ko左2大條
呢串燒雞係擺得好靚好吸引，不過太大舊左d，而且燒得太干
呢塊係蕉葉烤魚好特別既菜色，係即叫即煎的。用蕉葉包住一黎煎個時又唔會黏底，二黎減少魚汁流失，啖啖魚得黎好多汁
最中意呢檔粉面，擺得好靚仔仲可以自己不配料，再叫姐姐幫你錄熟仲有馬拉盞炒飯超香口夠曬鍋氣阿！好干身，粒粒飯香
女士們最中意既甜品時段來到了選擇都好多，cake、雪米磁、Häagen-Dazs……仲有一部自製pancake機整完自己加料，有朱古力醬、楓糖漿、芒果醬……有得玩又有得食！
食到最後已經好飽，淨係食左雪糕同呢個waffle，係即叫即整的！所以十分香脆
其實仲有好多好精緻既菜色，真係試唔曬咁多最後講一講個服務
1)入座無耐就有員工問返我地一台有幾人、用咩優惠。等買單個陣方便d，節省客人等買單時間！好細心！
2)不斷有員工幫你加水！全程都不需要追人幫你加
3)可以有多d笑容
總括而言，價錢公道、服務優質！絕對會再次光顧
張貼
