Cafe&Meal MUJI

營業中

休息中

一向係muji cafe 嘅fans , 知道又一城開左新店所以約埋屋企人一齊去食。又一城呢間就係自己出去落單（同銅鑼灣一樣），我同2位家人一齊出去買，正常落單模式係職買會順住客人排隊次序逐一問要咩，但今次呢位戴眼鏡嘅女職員明顯好混亂完全冇程序，見到邊個客人喺佢面前最近就幫嗰個落單，突然問排第3嘅客人要乜，但明明前面仲有我地2個客人排先佢就完全當睇唔到，咁排隊嘅意義何在呢？我問嗰位女職員：我排先喎但你未幫我落單？佢輕描淡寫答：轉頭幫番你啦小姐...其實佢應該先道歉講唔好意思, 唔係話一陣幫番我，因為錯嗰個係你，你有責任維持條隊點落單，但反而你搞亂曬但又冇歉意咁..佢嘅態度同一向嘅muji 有距離，比較銅鑼灣分店嘅效率同禮貌明顯都有大分別，明白新開張係會生手D呢點絕對包容，但態度係更重要...至於食物方面，我點左all day breakfast , 露荀食落去比其他分店"鞋"口，冇光澤，穀物亦冇其他店咁好食，偏乾，整體ok但希望可以做番其他店嘅水凖...