囍源古早蛋糕 (已結業)

今次我試咗芝士肉鬆同埋芋泥味。等我介紹咗芝士肉鬆味先啦！蛋糕非常香，好重蛋味，口感綿密。黃金邊、黃金底超靚，視覺上已經一大享受！蛋糕面佈滿肉鬆，肉鬆鹹鹹香香，粒粒肉鬆仲為但蛋糕增加唔少口感。中間嘅芝士係日本芝士，鹹鹹地。用電飯煲整熱之後仲呈拉斯效果，芝士味濃。肉鬆同芝士咁嘅配搭一定唔會出錯，非常好味。我真係好鍾意食芋頭，所以見到佢出芋泥味就即刻要order一件先！店舖都會因應原材料嘅新鮮度嚟製作，所以佢哋都會選用最靚嘅芋頭嚟整依份蛋糕！睇相都見到佢哋嘅芋泥超級多，基本上係流晒出嚟。蛋糕一樣好濕潤，入口即溶，唔使配飲料都可以好容易咁吞落去。芋泥餡嘅味道都唔錯，好濃芋頭味，又唔會過甜，仲食到粒粒芋泥，好足料啊！真係食得出同出邊唔同，店舖全部都使用自家製餡料，份量十足又新鮮！佢哋成日有唔同推廣活動，今次我揀咗Pizza味薯片，好香脆！佢哋仲有儲印花卡嘅活動，儲滿一張卡就會送原味蛋糕一件～