55
0
1
港鐵深水埗站 A2 出口, 步行約1分鐘 繼續閱讀
電話號碼
26699888
營業時間
今日營業
10:00 - 20:30
星期一至日
10:00 - 20:30
付款方式
現金
食評 (57)
疫情之下好耐冇得去旅行啦✈😭,真係好掛住台灣啲美食啊!最近上網睇到介紹深水埗有間正宗古早味蛋糕叫囍源,一定要去試下。🏃‍♀️🏃‍♀️呢間店喺深水埗港鐵站🚇A2出口右邊行人路直行50米就到,真係超方便。離遠已經聞到好香蛋味。我都係下奏時間去到,但係牆上個board 20款口味已經有6款口味沽清,可想而知幾受歡迎,我喺店舖stay咗一陣揀食咩味,已經不斷見到好多客幾盒幾盒咁買番去,同埋店入面都好多客人落嘅訂單,一盒一盒放晒喺架上。古早味蛋糕其實源於台北淡水,記得以前朋友介紹呢個係台灣好出名嘅手信✈,我買過返嚟香港,真係好軟綿綿,所以實在好懷念當時嘅味道,估唔到喺香港都可以食番嗰個味道。😌店主見我十五十六唔知揀咩味,就show 啲 display比我睇同摸,開頭喺門口隔住個玻璃睇仲以為啲蛋糕係模型嚟,但原來係用真嘅蛋糕做display,店主仲打開蛋糕🍰,等我可以望清啲餡料,仲可以摸到佢係幾咁軟綿綿,而且個底超濕潤。同埋真係少油配方,摸完隻手都完全唔覺得油。最後我揀咗3款口味,原味、擂沙黑芝麻同埋流心拉絲芝士🧀。份量十足,好適合做早餐或者下午茶。☕原味:如果第一次食嘅朋友仔不妨試下原味,原味嘅蛋香味特別濃郁,食落去非常濕潤軟熟。擂沙黑芝麻:啲黑芝麻好多,而且食落好似食緊擂沙湯圓嘅餡料咁,芝麻味好香好濃。流心拉絲芝士🧀:一食落就知唔係普通卡夫芝士,芝士做到流心拉絲放果,未食都已經必晒啲芝士出嚟。濃而不膩,蛋糕配上半溶芝士🧀,相當香口,而且口感鬆軟綿密,食得出絕對係真材實料。呢間店係唯一一間最正宗古早蛋糕做法,真真正正做到黃金邊,黃金底!食落去低糖少油,啱哂而家追求健康嘅香港人。仲要無加味精、色素,真係真材實料,即使放咗兩日之後,食落都一樣咁綿密濕潤,一啲都唔似隔夜蛋糕,感覺仲係新鮮製作出嚟。呢度全港最多口味,有成3️⃣0️⃣款以上,梗有一款岩你口味,每日都有1️⃣0️⃣幾款唔同口味。原味系列:抹茶🍵、咖啡☕、芝麻、班蘭、鴛鴦、朱古力🍫、懷舊、薑汁、杏汁、柚子🍊流心系列:拉絲流心芝士🧀、奶皇、栗子🌰、紫薯🍠、咸蛋、擂沙黑芝麻、朱古力🍫、陳皮紅豆、咖吔、榴槤/班蘭/原味、肉鬆、合桃、杏仁店主仲話可以打電話預訂添☎️,一星期之內預約好方便,一去到就可以拎,仲可以預訂自選蛋糕配搭嘅味道,完全合乎你嘅個人口味。佢哋仲有生日原盤蛋糕訂🎂,每件都有唔同嘅花紋,好有心思㗎。😍如果show俾店員睇經ig介紹嚟買,仲會即時減$5,大家都可以去我個ig: foodie_jumbochu🐽 比個post 店員睇㗎。😛本身仲有儲印花優惠,儲滿12個印花就可以免費送原味一件。同埋提提大家記得follow埋佢哋fb & ig,間不中會有獎問答遊戲,估中仲有機會獲得古早蛋糕一盒㗎。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-01
145 瀏覽
公司同事一向鍾意食古早蛋糕,成日話正宗既古早蛋糕係唔應該有燶邊,之前向我推介呢間古早蛋糕店,佢話只有呢到既蛋糕做到黃金邊同黃金底。下晝出又一城食飯,食完專程搭地鐵去深水埗買~店鋪位置方便,出咗地鐵行一分鐘就到。一望入店鋪就見到佢擺哂真蛋糕出嚟做display,放咗幾日但蛋糕摸上去依然濕潤,厲害!店鋪入面所有蛋糕都係真材實料:芝麻味蛋糕既芝麻自己炒;班蘭味係買斑斕葉返嚟榨汁再自己做班蘭精華;合桃味就會將合桃原粒打碎嚟整。除咗嚴格選料,佢地每次要兩個鐘至出一底蛋糕,製作好認真!睇完咁多款,決定買3隻味返屋企,分別係紫薯、薑汁同埋杏仁。因為中秋節,每個紙盒上面都寫咗「中秋快樂」,好窩心!整體嚟講,每個蛋糕既濕潤度都好高,而且綿密度夠又有彈性,加上少油少糖,所以食唔停口😋買既時候紫薯味係啱啱新鮮出爐,見到嗰底蛋糕邊同蛋糕底都係金黃色,完全冇燶邊!另外蛋香味濃郁,攞到返屋企都仲係好香。佢食落中間嗰層係每一啖有紫薯粒,份量十足🍠香濃薑汁蛋糕入面有薑粒同薑蓉,不過食落又唔會好辣,味道啱啱好。祖傳杏汁杏仁味上面鋪滿杏仁片,而蛋糕係將杏仁汁融入蛋漿,唔會只落杏油,所以啖啖都有杏仁既香味,值得一試!每次買一件都可以儲印花,儲滿12個印花就可以送一件原味蛋糕,正!🤤 繼續閱讀
(以上食評乃用戶個人意見 , 並不代表OpenRice之觀點。)
囍源古早蛋糕位於深水埗地鐵站A二出口附近,交通方便!囍源用正宗做法做古早味蛋糕,所以囍源古早蛋糕係黃金變,黃金底!囍源古早味蛋糕有八大系列,口味多達30款,全港最多口味,梗有一款想試!仲可以預訂自訂蛋糕配搭,2件起計,更有生日原盤蛋糕!囍源更設有電話直線預訂服務26699888,可1星期內預訂,真係好方便!一到店舖就可以取蛋糕,唔會錯過想食嘅味道!囍源製作嘅所有古早味蛋糕都係低糖少油,每件都有唔同嘅花紋,健康又有心思!全部蛋糕真材實料,份量十足,無味精,無色素,全部係用原材料製作!古早味蛋糕食唔晒,放兩日都係一樣咁棉密濕潤!凍食或加熱再食一樣好味!而且囍源仲推出多項優惠!去我IG: yauyeemoyung, 出示我嘅IG內囍源嘅post, 可減$5! 每買一個蛋糕,可獲得一個印花,儲滿12個,可獲得一個原味古早味蛋糕!囍源facebook 及 IG會推出有獎問答遊戲,可以獲取蛋糕!店員細心講解及推介我食以下口味,服務態度認真!咖啡合桃咖吔 $75咖啡係用UCC咖啡豆去整成,咖啡味道好突出,更入核桃碎,口感豐富!中間加入咖吔醬,味道意想不到嘅好味,亦好夾!好正呀!流心黑芝麻 $75真係好流心,而且有好多黑芝麻醬!留心黑芝麻味道非常濃郁,好似食緊黑芝麻糊咁!鴛鴦流心朱古力 $70 及 鴛鴦朱古力栗子 $70上層係朱古力味古早蛋糕,下層係原味古早味蛋糕,中間嘅餡料分別係朱古力醬及栗子蓉醬!兩款嘅味道都好夾!食完後,覺得囍源係絕對值得再回頭照顧嘅古早味蛋糕店舖! 繼續閱讀
(以上食評乃用戶個人意見 , 並不代表OpenRice之觀點。)
深水埗多咖啡店係人都知架啦,您地又知唔知道開左一間對蛋糕好有熱誠既古早味蛋糕店呢😚點解咁講?老闆專程到台灣拜師學藝再番香港🇭🇰開店,古早味係閩南語,意思係古老的、傳統、懷舊的味道,老闆話想所有既客人食到最好食既古早味蛋糕🍰所以每次出爐都會大排長龍,食過一定會番轉頭再幫襯既脹卜卜既古早味蛋糕🍰哩間古早味既選擇好獨特😍非常搶手😚 古早味既蛋糕口感好似棉花咁輕柔軟嫩,好Q彈😚所以我一次過買左三款口味❤️❤️鴛鴦流心朱古力古早味蛋糕,表層更有碎朱古力,好吸引喔,朱古力味好香濃但又唔會太甜,聞落幾重蛋味,食落味道好平均,仲有朱古力流心效果😚❤️咸蛋拉絲芝士古早味蛋糕🍰 鬆軟有彈性,中間係滿滿足料cheese,鹹香嘅芝士,芝士處於半溶狀態,仲有拉絲既效果,口感不錯👍❤️流心奶皇古早味蛋糕🍰食落濕潤又好香蛋味,剛剛出爐熱辣辣😚 一出爐個陣香味香到呢,真係冇得輸❣️香氣撲鼻既奶皇流沙同埋鬆軟既蛋糕🍰真係絕配👍 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-06
507 瀏覽
古早蛋糕店開到周圍都係,深水埗瞬間亦多咗幾間。呢日食完晏經過北河街又見到間新開嘅店喇😆,其實留意到佢係因為蛋糕店有開咪宣傳。店長Carol見我同其他客人喺到望緊,就落力介紹,十分仔細。佢話佢哋出品嘅特色係低糖少油,行健康路線👍。另外,烘焙時間亦較一般長(大約兩小時),先至做到黃金邊、黃金底,真係第一次聽。古早味: 那些年的...原味回憶。蛋糕大部份已經入盒,只有少量放出嚟做展示。🍰蛋糕口味都幾多,每日均有啲限定款式,價錢介乎$55至$75,正常水平。由於係農曆十五食齋嘅日子,所以我買咗3️⃣三大件返屋企食,幾款口味各有千秋!鴛鴦流心朱古力($70),朱古力係我三款之中最鍾意嘅。平日唔好朱古力嘅我覺得呢個好好食,🍫流心朱古力係夾喺兩款蛋糕之中,薄薄一層唔會太膩,又夠甜。面頭仲有啲彩針作點綴添🌈。清香伯爵茶($70),🍵茶味清香,屋企兩老話好正。店長仲強調係用上最靚(藍色盒)嗰隻靚伯爵茶葉整喎😂,咁的確係好濃郁。我亦可以肯定係用茶葉而唔係茶精整,因為有少少茶葉骨🌱。粒粒核桃($70),依個係接近原味道,所以食得出蛋香🥚。佢同出面唔同嘅係唔止上面鋪咗原粒核桃,而係蛋糕入面亦都落咗唔少核桃碎,因此啖啖都有果仁香🌰。總括嚟講,呢間古早蛋糕都幾好啵😋。老實講,樣貌係唔夠娟好嘅,但佢有內涵。我最欣賞蛋糕嘅質感夠濕潤同鬆軟,唔會令人好快厭或太飽滯。再者,甜度稍低真係更啱我口味;加上用手拎完蛋糕食隻手指都無油,推介✨! 繼續閱讀
(以上食評乃用戶個人意見 , 並不代表OpenRice之觀點。)