更多
2016-12-08
234 瀏覽
呢度啲粉麵係有分大同細,朋友就叫咗碗大嘅帶皮羊肉米粉,拎到嚟都真係好大碗.我就叫咗細碗嘅淨瘦羊肉米粉,同埋加咗酸菜,拎到嚟嗰陣又嚇咗一嚇,乜原來細碗都咁大碗嘅?目測之下容器同大碗分別唔大,只係矮身少少.呢度話係用黑山羊肉,佢俾嘅份量都唔少,同埋用咗最基本,冇咩調味嘅方法去煮,食落羶味突出,但都可以接受.另外佢個湯飲落好似冇乜味,主要係靠我額外加嘅酸菜提味.我哋仲叫咗口水雞,唔算好辣,不過啲雞肉都幾滑.可能係我本身對羊肉嘅愛好唔係太強,同埋佢哋係食羊嘅原味,所以對我嚟講感覺唔算好吸引,不過講份量嘅話又真係算對得住個價錢.
張貼
