影片
更多
2024-01-01
101 瀏覽
本想同英國返嚟朋友食個中式野打邊爐嗰啲餐廳勁Full or 要9pm後先有位..見呢間中餐又book 到7pm 枱喎，咪試下囉，點知伏到CLS !樓面人手唔夠，左叫又叫，最終花左15分鐘先有人幫我地落到單就當7:30 成功落到單，但直到8:40⋯即 1個鐘後，我地先叫做完成到第一碟菜問個唔知經理定部長（前後有2位西裝男士），就話幫我地check , check 到9pm 時，我地再追問，佢又話check…最終我地好似大概9:15pm , 先開始有其他既野食…如果早知要等到9點, 咁點解我地唔食番打邊爐就算🤷🏻♀️而且上菜時，又亂糟糟，配醬食既又唔俾醬，到我地問佢拎醬時，其中一個西裝男士就極不情願咁講「俾你啦俾你啦！」 😑我地叫左「半席餐」， 但有7個人，我地都知有某啲菜係要share 的但個西裝男就有幾下有意無意之間就話 「係耐左既，俾多粒你地啦！」真係多謝晒！你都做唔切，真係唔係我地錯！唔好好似求其送啲野俾我地就當塞住我地把口咁！到另一個西裝人嚟時，先話送番甜品俾我地補償但之後話見到我地個set 已經有甜品，所以都無野可以再送 …我真心無言跟住就改口話送我地 “一支啤酒” …但其實嗰
打邊爐嗰啲餐廳勁Full or 要9pm後先有位..
見呢間中餐又book 到7pm 枱喎，咪試下囉，點知伏到CLS !
樓面人手唔夠，左叫又叫，最終花左15分鐘先有人幫我地落到單
就當7:30 成功落到單，但直到8:40⋯即 1個鐘後，我地先叫做完成到第一碟菜
問個唔知經理定部長（前後有2位西裝男士），就話幫我地check , check 到9pm 時，我地再追問，佢又話check…
最終我地好似大概9:15pm , 先開始有其他既野食…
如果早知要等到9點, 咁點解我地唔食番打邊爐就算🤷🏻♀️
而且上菜時，又亂糟糟，配醬食既又唔俾醬，到我地問佢拎醬時，其中一個西裝男士就極不情願咁講「俾你啦俾你啦！」 😑
我地叫左「半席餐」， 但有7個人，我地都知有某啲菜係要share 的
但個西裝男就有幾下有意無意之間就話 「係耐左既，俾多粒你地啦！」
真係多謝晒！你都做唔切，真係唔係我地錯！
唔好好似求其送啲野俾我地就當塞住我地把口咁！
到另一個西裝人嚟時，先話送番甜品俾我地補償
但之後話見到我地個set 已經有甜品，所以都無野可以再送 …我真心無言
跟住就改口話送我地 “一支啤酒” …但其實嗰下我地已經無心情再飲，我地就話飲唔到啦！不如你扣番起我地之前叫既啤酒就算啦！
佢又話唔得！仲好似要迫我地即刻決定咁
成件事好似我地問題咁
再者，兩位西裝男話可能係啲散工姐姐唔熟，送左單先搞到我地一直無野食
但我眼見既，係呢兩位西裝男都好唔熟手，我唔係話要你完完全全記得晒所有枱號既位置，但大概既都要知吧！
但佢兩位都好明顯係唔熟，每次都要行到埋枱，望到枱上面個牌先會知道
所以大家如果想要個happy meal , 都係去其他算啦
張貼