正點心 (已結業)

平時超懶的我，真係好少同媽咪飲茶， 難得放假日，我同媽咪去嘆返個下午茶點心先。近近地找找新意思去美孚的“正點心”，第一次來到環境舒適，先點了鐵觀音，味道甘和。之後就叫左以下幾款點心：⚛ 金箔鮮蝦餃皇 ～ 大大隻鮮蝦係入面幾好。⚛ 露筍鮑魚鳳眼餃 ～ 有一細隻仔鮑魚係上面，鮑魚幾好咬口， 估唔到餃入面都係有鮮蝦好爽。⚛ 珍菌濃湯鮮竹卷 ～ 鮮竹卷吸收哂湯的甜味，咬入去又有蔬菜，唔錯。⚛ 金腿茸咸水角 ～ 即叫即炸， 送來一定要放一會先入口， 如果唔係會傷到個咀，外脆味道帶點金腿茸。⚛ 馬友鹹魚肉餅飯 ～ 喜歡舊鹹魚夠咸，送飯超鹹香，記得落小小甜豉油調一下味仲正。⚛ 郊外油菜 ～ 菜芯夠甜⚛ 3D榴槤凍布甸 ～ 外型得意，入口滑帶一點榴槤味。因為我地係下午茶時間來到，所以以上都有8折， 折左都幾抵食。