ATUM Restaurant (已結業)

9月有好多人生日呢，上星期同朋友去咗K11食個afternoon tea慶生，呢到嘅tea set我睇咗好耐了，無論影相定味道都唔錯。Afternoon tea set $408 book位時預先同餐廳講定想寫字，上枱時其他枱都好好奇點解會有字有蠟燭😆 大家如果有特別嘢要慶祝，記得一早同餐廳講定！蟹肉青瓜、紅菜頭三文魚餅 兩款都好鍾意，蟹肉份量多，入口口感豐富。紅菜頭三文魚夠肥美，兩大片卷起後食落成口都充滿魚香。泡芙、朱古力撻 泡芙外皮酥脆，但整體較普通。朱古力撻嘅撻邊硬，同中間嘅餡料嘅口感好有對比，味道好夾，口感又有趣。鵝肝醬餅乾、大蝦青瓜 鵝肝醬creamy質地配上清薄脆餅乾，食落唔會漏，食完成口都係好香嘅味道。大蝦青瓜成件都好refreshing，大蝦新鮮爽口，好食。紫薯撻、芝士蛋糕 我平時嘛嘛哋紫薯product，但都不我不讚吓呢個，味道好香濃。芝士蛋糕口感好滑，細細件食落唔會有負擔。包點類 四件都唔同，主要食材都係香草同蕃茄，蕃茄雖小，但好甜甜酸酸，令普通三文治、pancake等更添特色。馬卡龍 四種口味，好脆，杏仁味好出。跟餐加配了兩杯mocktail：The Aficio