596
79
33
港鐵尖沙咀/尖東站 N4 出口, 步行約5分鐘 繼續閱讀
電話號碼
35861959
開飯介紹
除了餐廳招牌藝術式甜品外,更有提供午餐、下午茶以及晚餐美饌,秉承ATUM的風格及創新的精神,為客人帶來驚喜。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 AE 銀聯 微信支付 OpenRice Pay
座位數目
52
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
外賣服務 詳細介紹
加一服務費
電視播放
當面支付
有關獎賞計劃
食評 (769)
等級4 2021-06-26
9176 瀏覽
武漢肺炎呢排靜咗d, 襯個垃圾正苦未放毒入嚟之前要出去食多d飯~今次我地要食餐好嘅, 揀咗呢間~ 真係好surprise!!! 首先, 入去嘅時候d service都好好,好有禮貌, 個menu好特別, 有好多我未見過嘅嘢~ 真係令你好有神秘感, 究竟呢d嘢係咩味架呢?! 我地叫咗蟹肉•甜菜頭•紫薯沙律 做頭盤, 再叫咗兩個主菜,分別係山椒鴨胸•櫻桃•伯爵茶蜜瓜, 燒八爪魚•墨汁脆片•蘋果蕃茄米型粉。 先嚟個頭盤, 一望。。。。 點解咁少嘅。。。 但係一切落去,wa.... 痴線, 原來真係一d都唔少, 超多蟹肉, d蟹肉多到好誇張, 其實佢擺盤擺得好靚,碟碟都好似藝術品咁,好味又有驚喜!!跟住嗰個山椒鴨胸, 有好香濃嘅鴨肉味, 好嫩好有肉香, 再配埋個飯(?!) 真係好出色。 佢嗰個都唔知算唔算飯, 我覺得佢似d薏米,再用d酸酸地嘅果汁煮, 可以中和個鴨肉嘅油份, 兩樣都好夾, 好食!!跟住個八爪魚都好得, 好大隻爪,成隻上碟,出奇地好食喎, 總之就好surprise, 絶對有驚喜! 食埋個甜品仲誇張, 我地叫咗鹹蛋黃雪糕•豆腐雪糕•黑糖腐皮•西米脆片嚟share, 佢個鹹蛋黃真係好難忘, d鹹蛋黃味超級濃烈, 但係又好奇怪, 佢個豆腐雪糕又唔會俾鹹蛋黃搶咗個味, 我食完一啖鹹蛋黃之後, 再食豆腐, 都食到清新嘅豆腐味, 都係好正!! 總括嚟講, 呢間中價餐廳,唔好以為佢好貴, 你一食就知佢d食材係貴嘢, 一分錢一分貨, 絶對值回票價!! 佢d擺盤真係藝術品咁, 好靚, 令你食落都好開心, 食完真係心情愉快咗好多 繼續閱讀
(以上食評乃用戶個人意見 , 並不代表OpenRice之觀點。)
生日朋友又帶我去擺左係”To-Eat-List”好耐既餐廳😍位置隱蔽,兜左三圈先發現,舖頭之間有條小路入。餐廳樓底好高,多落地玻璃,自然光照入黎好舒服。✨味道79分,環境80分,服務78分。.🔸Afternoon Tea Set ($438/2位)總共有24件鹹甜糕點,每件都好精緻好靚,一黎到已經寫哂HBD,點蠟燭,打卡一流!不過佢唔係每件都一式兩件,有啲難分,每行係鹹點甜點隔住隔住,唔怕一次過食甜會好膩。另外佢仲有兩個scone,微熱,鬆軟,唔易散。.🔸燒八爪魚•墨汁脆片•蘋果蕃茄米形粉($208)燒八爪魚好好食,巨形,啖啖肉,微辣,軟熟彈牙。意粉似米粒,醬汁酸酸甜甜,不錯。墨汁脆片令整碟變成藝術品,不過冇乜味,純粹好睇,撈埋米形粉食會阻住我品嘗啲粉。.🔸竹炭鮮奶咖啡($50)竹炭本身冇乜味既,所以都係latte既味,純粹覺得黑蚊蚊幾得意幾好睇。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-09-14
0 瀏覽
ATUM近期多數都係食TEA時間嚟食,難得好朋友生日,又想同佢服舒食餐好,就揀咗夜晚食佢個最出名嘅Seafood Platter,同按期更改嘅餐牌。Seafood platter ($598)海鮮基本上新鮮就會好食,而ATUM嘅Seafood platter出名嘅地方係佢嘅Seafood platter係唔止新鮮,佢嘅擺盤,Sauce,同配菜都做到把食物升華嘅作用。先講講佢有啲乜野食先。生蠔 - 係Scotland貨,爽脆,帶微海水味,配上佢地嘅柚子啫喱汁,一鹹一酸,好配匹。帶子 - 大大隻LLL SIZE嚟,肉嫩有帶子鮮味。海膽 - 日本馬糞海膽,好甜,完全無臭味,新鮮份量不少。煙三文魚 - 挪威貨,大大片,色水好靚,似係野生三文魚。凍鮑魚 - 幾好咬口,唔會話好靭,但無乜食味。生拆蟹肉 - 鮮甜,蟹肉拆咗成球,一啖食落口,好滿足呢。虎蝦 - 幾大隻下,但肉質唔夠爽彈。鴨肝醬 - 小鹹,配返佢嗰啲sides,完全可以佢嘅鹹味,同可以食得到鴨肝醬 嘅金香。waiter係我哋用餐前會好循例咁講解一下Seafood platter有啲乜野海鮮同食嘅次序,如果講解時可以講慢少少同俾啲笑容就perfect喇。Roasted Cauliflower truffle cream cheese ($78)依個係幾驚喜嘅,椰菜花烤到好淋身,無散失食味,又可以做到無渣,truffle cream cheese將無乜食味嘅椰菜花提味不少,清新得嚟又濃郁,食材嘅口感又顛覆咗本來嘅想象,一絶。Crab Meat Trofie ($178)鹹蛋黃蟹肉Trofie ,鹹、鮮、煙靭就對佢嘅評價,食味好平衡,好食。經open rice book枱時講定係興祝生日重有個甜品送添呀,係個紅桑子雪杷比利時朱古力脆片,作為一個帶完美嘅結束,與伴侣經歷一個美好的晚上呢。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-07
0 瀏覽
兩家人6位,想訂個Tea 時段開心一下打電話訂6位,餐廳話最多四人一枱,合併枱要收每枱$1000 按金,兩枱即$2000 按金。那我說不用合併,只訂兩張3 人枱,不論遠近,換來回覆是「若我們知道你們是一齊,我們不會讓你進入」。究竟這是什麼政策? 繼續閱讀
(以上食評乃用戶個人意見 , 並不代表OpenRice之觀點。)
✨Afternoon tea set想試呢個tea set好耐,因為真係好靚😍岩曬打卡~📷💕total有24件鹹點同甜點,仲有2件scone同2杯野飲😙每件都好精緻🤩鹹點比較深印象係鵝肝凍,好味😋其他就中規中矩冇咩特別~但魚生方面吞拿魚就感覺唔太新鮮有少少腥。個人比較鍾意甜點😆泡芙,紫薯撻,朱古力撻,macaron都好味😚見都有人話覺得太甜,但我又覺得岩岩好喎🤣整體而言我覺得味道不錯,環境好舒服,打卡又靚,價錢ok,可以一試🤪👌 繼續閱讀
(以上食評乃用戶個人意見 , 並不代表OpenRice之觀點。)