海皇粥店 (英皇道) (已結業)

接先生放工行過海皇粥店，被門口大大張粥底火鍋poster吸引到，原來傳統粥店都有火鍋食，好有新意。有五款火鍋選擇，價錢相宜。我哋揀咗尊貴海鮮肥牛鍋，主打有花膠、帶子、蝦同肥牛，食物尚算新鮮。另外仲有午餐肉、豬肉丸、鯪魚球同蔬菜籃，鯪魚球新鮮彈牙。加$12叫咗炸魚皮，非常香脆，配粥底亦係一流。粥底方面我哋揀咗香茜皮蛋粥同南瓜粟米肉碎粥。粥底煲得非常靚，又綿又滑，芫茜味道好出，就咁食個粥都暖笠笠。先生嘅南瓜粟米肉碎粥同樣綿滑，非常香甜。跟餐可以選配牛脷酥或者油炸鬼，我哋各要一份，兩者點粥食都係絕配。咁嘅價錢食到粥底火鍋真係好抵，雖然唔係食材簡單，但性價比的確高。