影片
更多
2023-05-02
129 瀏覽
👍🏻3-Course Tasting Menu $458呢間Bookmarked好耐一直想試，係銅鑼灣米芝蓮推介Involtini嘅姊妹店✨晚市嘅3-course tasting menu包括前菜、主食、甜品、飲品，款式會不定時轉換，而當中嘅前菜同甜品都係a la carte menu冇得嗌嘅每道菜上枱時店員都會詳細介紹食材同做法餐前先上兩款餐包，酸種麵包同法式牛油麵包，熱辣辣配搭自家製黑醋牛油一齊食-🔸高糖日本蕃茄、昆布醋啫喱、燒麵豉八爪魚八爪魚腳以味噌同清酒醃製兩日，再切粒燒至半生熟爽脆又帶點刺身嘅口感，夠晒入味，焦香明顯日本高糖蕃茄灑上紫蘇花，熟透軟腍，咬落滴晒汁勁juicy😜配搭昆布醋啫喱酸maymay，整體清新開胃-🔸手造意大利幼麵配西班牙紅蝦、紅蝦膏濃汁 +$160Involtini嘅招牌菜🔥！a la carte menu單點$380西班牙紅蝦呈半熟刺身狀，新鮮甘甜，蝦頭仲超級多膏醬汁由紅蝦膏、紅蝦殼、紅蝦頭，加入白蘭地熬成，帶輕微嘅蒜香味，啖啖蝦香鮮味😛亦可以將蝦頭入面嘅蝦膏吱出嚟撈入意粉一齊食，鮮甜得嚟唔腥，味道更加濃郁🤤手工意粉軟硬掌握得啱啱好，麵質al dente
呢間Bookmarked好耐一直想試，係銅鑼灣米芝蓮推介Involtini嘅姊妹店✨
晚市嘅3-course tasting menu包括前菜、主食、甜品、飲品，款式會不定時轉換，而當中嘅前菜同甜品都係a la carte menu冇得嗌嘅
每道菜上枱時店員都會詳細介紹食材同做法
餐前先上兩款餐包，酸種麵包同法式牛油麵包，熱辣辣配搭自家製黑醋牛油一齊食
-
🔸高糖日本蕃茄、昆布醋啫喱、燒麵豉八爪魚
八爪魚腳以味噌同清酒醃製兩日，再切粒燒至半生熟
爽脆又帶點刺身嘅口感，夠晒入味，焦香明顯
日本高糖蕃茄灑上紫蘇花，熟透軟腍，咬落滴晒汁勁juicy😜
配搭昆布醋啫喱酸maymay，整體清新開胃
-
🔸手造意大利幼麵配西班牙紅蝦、紅蝦膏濃汁 +$160
Involtini嘅招牌菜🔥！a la carte menu單點$380
西班牙紅蝦呈半熟刺身狀，新鮮甘甜，蝦頭仲超級多膏
醬汁由紅蝦膏、紅蝦殼、紅蝦頭，加入白蘭地熬成，帶輕微嘅蒜香味，啖啖蝦香鮮味😛
亦可以將蝦頭入面嘅蝦膏吱出嚟撈入意粉一齊食，鮮甜得嚟唔腥，味道更加濃郁🤤
手工意粉軟硬掌握得啱啱好，麵質al dente，煙煙韌韌，富有蛋香
果然係招牌菜，好有驚喜👍🏻！
-
🔸松葉蟹甲羅燒蟹膏意大利飯 +$80
risotto用上松葉蟹肉、蟹湯、蜆湯熬製而成
中間以甲羅燒嘅做法調味，risotto加入松葉蟹肉、蟹膏再燒香，加上鵪鶉蛋黃
店員建議由外圍向內食，味道由輕至濃，同時亦可攪勻蛋黃
飯粒煙韌有咬口，食到啖啖蟹肉好足料，再拌勻濃濃嘅蟹膏🤤
蟹嘅鹹香鮮味係口中爆發，味道非常濃郁，好有層次嘅fusion菜，真心超高質🥹！
-
🔸提子、提子馬斯卡風芝士忌廉、法式薄脆、提子檸檬啫喱
以青提做主題嘅甜品，淡淡青提味嘅mascarpone cheese配搭法式蛋白薄脆
加上酸maymay嘅提子檸檬啫喱
同時食到甜酸鹹三種味道，又做到口感上嘅層次
-
🔸奶蓋Tiramisu Latte & Homemade Strawberry Milk
嗌咗兩杯signature drinks
Tiramisu Latte做咗分層效果，先攪勻杯底嘅阿華田粉、espresso、牛奶
面頭嘅奶蓋幼滑輕盈，帶點鹹香，飲飲就好似液體版嘅tiramisu咁，幾特別幾得意
Strawberry Milk就正常發揮，唔會過甜微微酸，亦冇人工假甜味，不過啲冰融咗之後鮮奶會變淡，建議可以嗌少冰
-
雖然位置唔太就腳同價錢偏貴，但食物質素的確高👍🏻
趁天氣未咁熱，可以揀坐室外座位，有busking/live music，加上俾啲掛滿燈飾嘅樹圍住，好浪漫好有feel，拍拖約會慶祝一流😌
-
味道：9/10
性價比：6/10
-
📍#JEPbyInvoltini
屯門良德街8號珀御地下G05號舖
張貼
