許留山 (已結業)

仲記得細個，好鍾意食甜品，當年許留山風行一時，每次阿媽帶我去食，我都會興奮不已，細個其實真係好容易就好開心。今日放工，經過許留山，突然間好想重拾童年嘅回憶。我叫左個多芒小丸子，一如既往係用芒果做主角，芒果成熟嘅程度啱啱好，好香好甜，反而小丸子可能因為凍嘅關係就有啲偏硬，而中間個芒果味雪葩我就最鍾意食啦，因為佢充滿芒果味之餘又唔會好肥，酸酸地又甜甜地，但係好可惜，佢同圖片嘅不符，因為佢只係得八成滿，返咗一日工，食返個甜品，真係可以疲勞盡銷。