更多
2019-09-15
451 瀏覽
記得以前讀中學嘅時候,放學成日去許留山食野,早兩年嚟咗呢間許留山食甜品,點知覺得質素好差,甜品好難食!味道只係得個甜字!所以呢兩年都冇再嚟食過。。。早兩日朋友話想去食許留山,開頭都係抱住佢朋友嘅心態,對啲嘢食完全冇期望!點知今次味道又唔錯喎!我哋叫咗椰香綜合芋圓、XO醬蘿蔔糕、多芒鴛鴦黑糯米、愛文芒丸子神冰、滷水雞翼、芒果凍餅。椰香綜合芋圓:好香濃嘅椰子味,入面有仙草同芋圓,材料同味道配合得好好!好夠凍,夏天消暑一流。XO醬蘿蔔糕:覺得蘿蔔糕煎得唔夠,但味道都唔錯,XO醬整嘅嘢食,我都好愛。多芒鴛鴦黑糯米:入面係芒果汁+椰汁,酸酸甜甜,味道都唔錯,仲有芒果同黑糯米。愛文芒丸子神冰:聽個名好似好勁咁,其實係雪糕球+芒果肉+芒果小丸子,配埋個芒果汁,味道較酸,反而呢個味道我覺得麻麻地!滷水雞翼:啲雞翼應該係滷水汁入面浸左好耐,雞翼超級入味,但口感太淋,啲肉好’鞋’!芒果凍餅:口感有啲似芝士蛋糕,味道唔太甜,都可以一試!
早兩日朋友話想去食許留山,開頭都係抱住佢朋友嘅心態,對啲嘢食完全冇期望!
點知今次味道又唔錯喎!
我哋叫咗椰香綜合芋圓、XO醬蘿蔔糕、多芒鴛鴦黑糯米、愛文芒丸子神冰、滷水雞翼、芒果凍餅。
椰香綜合芋圓:好香濃嘅椰子味,入面有仙草同芋圓,材料同味道配合得好好!好夠凍,夏天消暑一流。
XO醬蘿蔔糕:覺得蘿蔔糕煎得唔夠,但味道都唔錯,XO醬整嘅嘢食,我都好愛。
多芒鴛鴦黑糯米:入面係芒果汁+椰汁,酸酸甜甜,味道都唔錯,仲有芒果同黑糯米。
愛文芒丸子神冰:聽個名好似好勁咁,其實係雪糕球+芒果肉+芒果小丸子,配埋個芒果汁,味道較酸,反而呢個味道我覺得麻麻地!
滷水雞翼:啲雞翼應該係滷水汁入面浸左好耐,雞翼超級入味,但口感太淋,啲肉好’鞋’!
芒果凍餅:口感有啲似芝士蛋糕,味道唔太甜,都可以一試!
張貼