金亞淶泰國餐廳

營業中

休息中

突然間想食火山骨，又唔想去到九龍城咁遠本身喺荔枝角返工就Google返附近嘅泰國菜見到呢間唔錯就去試吓火山骨我覺得可以有四粒星 佢夠腍同埋都幾大份，一男一女應該啱啱好食得晒 ，煲得好腍而且香料幾香，怕辣嘅可以醬汁另上，醬汁係泰國師傅親自調製非常香濃惹味🥰🥰🥰另外叫咗個拼盤小食，最好食係個蝦餅料充足而且非常彈牙，春卷脆卜卜，最難食就係個串燒所以可以唔使叫，串燒裏面嘅肉係完全分辨唔到係乜嘢肉，而且醃料醃過濃，一大浸尿餲味，難食過殭屍肉🤮🤮🤮🤮🤮🤮最後嗰個菠蘿沙律個，菠蘿係甜嘅，但係啲醬料太鹹太鹹啦實在，我就頂唔順🥲🥲🥲鍾意濃味嘅可以叫不過火山骨值得一試，不過價錢偏高咗少少🤏要$170到180左右一份。