影片
更多
2017-05-05
192 瀏覽
今朝公司派我地條 Team 既四大美女去砲台山聽 Seminar, 個講座提早結束，變相我哋可以多咗一個鐘頭食lunch，令我哋興奮到不得了。有個悠長lunch當然要選擇訓一啲可以坐得舒舒服服，又輕鬆自在嘅餐廳。其實係炮台山咁耐，真係冇乜邊幾間餐廳食lunch可以坐得舒服，間間都細細間，lunch time 直頭好似打仗咁。飲茶係唯一可以嘆下消磨時間既，點知其中一個美女話要減肥，唔想食啲咁油膩嘅中菜。甘去食高級啲嘅西餐？起碼可以招呼好啲？另一個又話要儲錢買袋，唔想洗太多錢。。。甘即係要諗下邊間又靚環境、好招呼、又好食、價錢又唔貴既餐廳。。。係炮台山要好食又好坐嘅餐廳，我通常去 ROJO， 唔知佢地有冇午餐，不過都行去碰下運氣。係街頭就見到佢哋做得特別精緻嘅燈箱，發現佢哋居然都有做lunch！真係差d 走寶!!出面呢兩張枱一定係happy hour 嘅搶手靚位，我都坐過！早段嘅lunch佢哋已經坐得幾爆，原來係12:45前埋單有九折。唔怪得知甘多人！打開 lunch menu, 我個減肥美女即刻好開心，鮮果沙律套餐 HK 68, 仲要包埋湯、甜品同餐茶！如果驚唔夠飽，食意粉或者飯嘅套餐，
有個悠長lunch當然要選擇訓一啲可以坐得舒舒服服，又輕鬆自在嘅餐廳。其實係炮台山咁耐，真係冇乜邊幾間餐廳食lunch可以坐得舒服，間間都細細間，lunch time 直頭好似打仗咁。
飲茶係唯一可以嘆下消磨時間既，點知其中一個美女話要減肥，唔想食啲咁油膩嘅中菜。
甘去食高級啲嘅西餐？起碼可以招呼好啲？
另一個又話要儲錢買袋，唔想洗太多錢。。。甘即係要諗下邊間又靚環境、好招呼、又好食、價錢又唔貴既餐廳。。。
係炮台山要好食又好坐嘅餐廳，我通常去 ROJO， 唔知佢地有冇午餐，不過都行去碰下運氣。
係街頭就見到佢哋做得特別精緻嘅燈箱，發現佢哋居然都有做lunch！真係差d 走寶!!
出面呢兩張枱一定係happy hour 嘅搶手靚位，我都坐過！
早段嘅lunch佢哋已經坐得幾爆，原來係12:45前埋單有九折。唔怪得知甘多人！
打開 lunch menu, 我個減肥美女即刻好開心，鮮果沙律套餐 HK 68, 仲要包埋湯、甜品同餐茶！如果驚唔夠飽，食意粉或者飯嘅套餐，都係88！有無甘扺啊？！
如果以60幾70蚊可以係西班牙餐廳食個靚lunch，咁仲駛乜去逼茶餐廳同快餐店？都係俾多少少，個環境、食物質素完全upgrade!
班美女初初入到餐廳，見個裝修格局，以為 ROJO 會好貴，睇完個lunch Menu都大讚我識揀，真係鬆一口氣。
最搞笑就係本身話要食鮮果沙律減肥嘅美女，居然轉左去食香煎比目魚柳配鮮芒果莎莎 HK 108。甘又係，有魚、有芒果又有糙飯，仲有沙律做前菜，一樣咁健康。
減肥唔一定要節制得自己太辛苦，識得揾健康啲嘅食材，一樣可以好好享受嘛。
我都好想吃有機糙米飯，所以叫左 ROJO 西班牙燒乳豬 HK 128.
減肥美女選擇健康嘅沙律做starter , 我就選咗今日煙肉薯仔湯 。
煙肉薯仔湯用了好足，淡淡薯蓉，仲可以食湯好香嘅煙肉味，夾住脆卜卜嘅蒜蓉包食，好正。
佢好滿足自己個沙律，因為冇添加 dressing , super healthy。我都好中意自己既湯，慶幸無叫錯。
ROJO 西班牙燒乳豬上枱喇
估唔到份量都幾大。
乳豬上配啲辣粉，增加佢嘅香口度。
切落去，外皮好薄好脆。
中間有一層薄薄嘅脂肪，食上去唔單止唔肥膩，反應令到乳豬皮更有口感，中意！
乳豬嘅肉質真係柔軟到不得了，同港式無得比，肉汁嫰滑，透着粉紅色，雖然好殘忍，但係真係冇得彈。如果平時晚市來食乳豬會比較貴，lunch食一大舊都只係128套餐，真係冇揀錯！
偷食咗美女嘅比目魚，做得非常精細，魚身滑，份量對女仕黎講啱啱好。
好彩佢減肥食多都有罪惡感，俾我咁大食就一定唔夠喉。當然佢有健康嘅糙米飯配搭所以一定夠飽。糙米飯用咗唔同嘅有機米，減肥嘅朋友食得健康又安心。
我好欣賞佢哋用咗新鮮嘅芒果粒，好 fresh ，好清新。
甜品係朱古力蛋糕，一人一口， 配埋餐茶，完美結束我哋長達兩小時嘅lunch，嘻嘻！
其實餐廳咁多捧場客，我哋坐咗咁耐都唔係幾好意思，佢哋話每個星期都會轉新Menu，下次約左 星期日Brunch 再黎吹水。希望呢個西班牙乳豬仲有得賣啦！
平時咁辛苦做野，只係比多二、三十蚊，食個靚lunch，就可以對自己好啲了！
如果你時間充足，1:45後入座仲有九折！放假不防訓夜 d, 再黎一個慢板 lunch !
張貼
