影片
更多
2019-06-06
163 瀏覽
地理位置非常方便，銅鑼灣C出口行3分鐘，就會見到京都廣場，上到10樓，就會見到今日嘅目標，瀛豐放題料理專門店。係香港好少見，加$118法國皇家生蠔+海膽火焰帶子嘅放題，好抵食！諗起生蠔、帶子海膽呢D貴價海鮮可以任食，就流哂口水。飲品方面好多大路，五花八門，咩都有得飲，茶、果汁、汽水，而酒就要另點。餐廳好貼心提供左兩種size嘅飲管，一粗一幼，好貼心，因為其中有款飲品係有仙草，可以比客人用。甜品主要就係有雪糕、雪條同蛋糕。成間餐廳比我嘅感覺好整齊，所有野會分門別類咁放好，值得一讚！法國皇家生蠔法國皇家生蠔，新鮮原殼即開即食, 非常新鮮，食黎好CREAMY，好濃蠔味，加少少檸檬汁同辣醬，更能調出出生蠔嘅味道。生蠔好大隻，隻隻都有我半隻手掌咁大！同場仲有愛爾蘭生蠔，呢種就會淡味D，啱一D平時唔敢食生蠔嘅食客，而我就比較鐘意法國皇家生蠔多D，因為我個人比較重口味。海膽火焰帶子放題好豪氣咁供應海膽火焰帶子，我今日食嘅係無火燒版本，海膽非常新鮮，唔會有平時食到嘅苦臭味，口感好軟滑，帶子好大粒，好似食緊個包咁，兩個係一個天衣無裁嘅組合，唔會搶左對方嘅鮮味。刺身併盤刺身併盤好啱一大班人食或者心大心細嘅
地理位置非常方便，銅鑼灣C出口行3分鐘，就會見到京都廣場，上到10樓，就會見到今日嘅目標，瀛豐放題料理專門店。係香港好少見，加$118法國皇家生蠔+海膽火焰帶子嘅放題，好抵食！諗起生蠔、帶子海膽呢D貴價海鮮可以任食，就流哂口水。
飲品方面好多大路，五花八門，咩都有得飲，茶、果汁、汽水，而酒就要另點。
餐廳好貼心提供左兩種size嘅飲管，一粗一幼，好貼心，因為其中有款飲品係有仙草，可以比客人用。
甜品主要就係有雪糕、雪條同蛋糕。
成間餐廳比我嘅感覺好整齊，所有野會分門別類咁放好，值得一讚！法國皇家生蠔
法國皇家生蠔，新鮮原殼即開即食, 非常新鮮，食黎好CREAMY，好濃蠔味，加少少檸檬汁同辣醬，更能調出出生蠔嘅味道。
生蠔好大隻，隻隻都有我半隻手掌咁大！
同場仲有愛爾蘭生蠔，呢種就會淡味D，啱一D平時唔敢食生蠔嘅食客，而我就比較鐘意法國皇家生蠔多D，因為我個人比較重口味。海膽火焰帶子
放題好豪氣咁供應海膽火焰帶子，我今日食嘅係無火燒版本，海膽非常新鮮，唔會有平時食到嘅苦臭味，口感好軟滑，帶子好大粒，好似食緊個包咁，兩個係一個天衣無裁嘅組合，唔會搶左對方嘅鮮味。
刺身併盤
刺身併盤好啱一大班人食或者心大心細嘅人揀，因為咩刺身都有，最值得讚嘅係三文魚刺身，切得好厚身，咬落口魚油香擴散;第二推介係鮑片，好鮮甜爽口。三文魚面鼓湯
食左咁多生冷，飲返碗湯暖胃，呢碗湯煮得好有心機，飲得出煮左好耐，湯煮到乳白色，魚骨嘅精華溶入左湯入面，啖啖到飲到魚嘅鮮甜，入面仲有豆腐，唔會得湯飲咁寡。壽司
花之戀:厚厚嘅三文魚包住壽司飯，沙律醬甜甜酸酸，好開胃！蟹膏龍蝦沙律:蟹膏好鮮甜，龍蝦沙律好好食！
鹹蛋黃薯條
好好食，薯條係粗薯，個人鐘意粗薯多過幼薯，食果時食到粒粒鹹蛋黃包係出薯條出面，起哂沙，有鹹香，令人不禁一條接一條咁食。
炸紫薯波
外脆內軟，外面個炸皮炸到好炸，入面嘅紫薯好軟，好香甜！
溏心蛋
溏心嘅程度啱啱好，好軟滑，好有蛋香味！
炭燒豬頸肉
燒到好林D肉，肉好易咬，仲有少少炭香味，好正！
甜品
豆腐雪糕，好少放題店會提供豆腐味呢D特別味道，呢個好推介，濃濃豆味，唔係好甜，好啱飽腹一頓後作為點綴嘅甜點。
朱古力brownie，好濃朱古力味，cream好軟滑，蛋糕好鬆軟！
後記:
好少放题會做兩個國家菜嘅放題，如果食日式放題食厭左，可以試試！
張貼
