影片
更多
2019-04-12
85 瀏覽
今日我老友生日，所以帶咗佢食啲好嘢慶一慶佢生日。上咗OpenRice 查咗一下銅鑼灣附近有咩好食推薦，見到呢間瀛豐放題料理專門店，好！一於就佢！其實都易搵到，銅鑼灣地鐵站C出口出嚟就見到。呢間店唔算大，我哋坐嗰個位啱啱好可以望到啲師傅準備刺身。佢個點餐方式幾有趣喎，係要用手機先掃QR code再喺網上點餐，幾新鮮又幾環保嘅做法。起碼使驚漏單。加多$118，仲可以升級食生蠔、海膽帶子，飲生啤添。先嚟盅燉湯補補佢先，好滋潤。再嚟盤刺身拼盤：三文魚腩、油甘魚、赤蝦、馬刀貝刺身、北海道角螺、鮑片，幾豐富！！真係要讚一讚呢個三文魚腩，油脂分佈平均，放入口唔使點咬，入口就溶，真係估唔到咁正。跟住就係海膽帶子同生蠔。生蠔都幾新鮮，大隻又唔腥，落咗檸檬汁加埋茄汁更加好食。好嘢咪比佢停，繼續叫！叫個泰式生蝦刺身、花之戀、三文魚壽司、燒三文魚壽司、燒和牛壽司、甜蝦壽司。都話香港人最鍾意食壽司刺身，呢句絕對啱晒！再嚟啲炸物同天婦羅，我一見到個炸香蕉、香芋丸、炸芝士年糕我就即刻落咗單，呢三樣係我最鍾意食嘅炸物，冇其他可以取代。最後一輪大家都叫返啲熟食嚟收尾，神奇嘅係呢間日式放題有做泰國菜……一於叫返碟炸通菜同
其實都易搵到，銅鑼灣地鐵站C出口出嚟就見到。呢間店唔算大，我哋坐嗰個位啱啱好可以望到啲師傅準備刺身。
佢個點餐方式幾有趣喎，係要用手機先掃QR code再喺網上點餐，幾新鮮又幾環保嘅做法。起碼使驚漏單。加多$118，仲可以升級食生蠔、海膽帶子，飲生啤添。
先嚟盅燉湯補補佢先，好滋潤。
再嚟盤刺身拼盤：三文魚腩、油甘魚、赤蝦、馬刀貝刺身、北海道角螺、鮑片，幾豐富！！真係要讚一讚呢個三文魚腩，油脂分佈平均，放入口唔使點咬，入口就溶，真係估唔到咁正。
跟住就係海膽帶子同生蠔。生蠔都幾新鮮，大隻又唔腥，落咗檸檬汁加埋茄汁更加好食。
好嘢咪比佢停，繼續叫！叫個泰式生蝦刺身、花之戀、三文魚壽司、燒三文魚壽司、燒和牛壽司、甜蝦壽司。都話香港人最鍾意食壽司刺身，呢句絕對啱晒！
再嚟啲炸物同天婦羅，我一見到個炸香蕉、香芋丸、炸芝士年糕我就即刻落咗單，呢三樣係我最鍾意食嘅炸物，冇其他可以取代。
最後一輪大家都叫返啲熟食嚟收尾，神奇嘅係呢間日式放題有做泰國菜……一於叫返碟炸通菜同牛肉雞串燒試下先。
哇哇哇！飽晒，飽到行唔郁啦！
張貼
