影片
更多
2021-06-24
410 瀏覽
見到糖街做緊展覽同市集，行到上去仲發現咗呢間餐廳。入門口已經係打卡位鵪鶉桂花卡邦尼烏冬第一啖食落去有少少意想唔到，桂花淡既清香配上白汁忌廉底，居然減少咗份膩感。醬汁非常creamy，所以叉起烏冬既時候都做到拉絲，烏冬口感適中，鵪鶉肉質實淨，煎得可口！而且卡邦尼必有既煙肉同蘑菇都好入味～鹹蛋黃薯角薯角炸得不肥不膩，配上一兜滿瀉既蛋黃醬。蛋黃漿整到鹹香得宜，有大量磨碎左嘅蛋黃粒，食完入口仲有分微甜感！一條薯條一羹醬，添一份邪惡幾份滋味。山渣玫瑰薑茶呢個配搭好少見，餐廳先把薑搾汁放底，再放上薑片，玫瑰花同山渣片，飲落薑味都幾香，帶點山渣既酸，不熗喉之餘仲非常舒服，小編建議上枱後焗多5分鐘先飲！奶蓋鴛鴦走沙冰鍾意飲奶茶或者愛啡嘅人一定會喜愛呢一杯飲品，面頭有一層好厚帶鹹身嘅奶蓋，配上微苦但脆口既咖啡豆，飲落去唔太甜，撈一撈底更加散發出好濃郁嘅咖啡餘香。沙冰打得好幼細，飲完真係透心涼。👍🏻👍🏻餐廳非常用心佈置，有大量打卡位💡餐廳定時定候會舉辦展覽同event
鵪鶉桂花卡邦尼烏冬
第一啖食落去有少少意想唔到，桂花淡既清香配上白汁忌廉底，居然減少咗份膩感。醬汁非常creamy，所以叉起烏冬既時候都做到拉絲，烏冬口感適中，鵪鶉肉質實淨，煎得可口！而且卡邦尼必有既煙肉同蘑菇都好入味～
鹹蛋黃薯角
薯角炸得不肥不膩，配上一兜滿瀉既蛋黃醬。蛋黃漿整到鹹香得宜，有大量磨碎左嘅蛋黃粒，食完入口仲有分微甜感！一條薯條一羹醬，添一份邪惡幾份滋味。
山渣玫瑰薑茶
呢個配搭好少見，餐廳先把薑搾汁放底，再放上薑片，玫瑰花同山渣片，飲落薑味都幾香，帶點山渣既酸，不熗喉之餘仲非常舒服，小編建議上枱後焗多5分鐘先飲！
奶蓋鴛鴦走沙冰
鍾意飲奶茶或者愛啡嘅人一定會喜愛呢一杯飲品，面頭有一層好厚帶鹹身嘅奶蓋，配上微苦但脆口既咖啡豆，飲落去唔太甜，撈一撈底更加散發出好濃郁嘅咖啡餘香。沙冰打得好幼細，飲完真係透心涼。
👍🏻👍🏻餐廳非常用心佈置，有大量打卡位
💡餐廳定時定候會舉辦展覽同event
張貼
