瀛豐放題料理專門店 (已搬遷) 新店位置

新開的泰日放題專門店專登上黎一戰，餐廳地方唔算大，食物種類都唔係特別多，但提供的食物勝在有特色。如果要食晒所有有特色嘅野一定要加＄88升級特色食材放題。火灸海膽帶子可以任叫實在太好，海膽唔腥好有海水味，帶子鮮甜可口，大大隻新鮮即開生蠔juicy creamy又重海水味，加檸檬同茄汁更能帶出鮮味最有特色莫過於自己斟生啤，一個杯足足有1 pint, 在生啤機上選擇1664 / asahi, 味道同係酒吧飲的一樣，自己斟有feel又好玩刺身提供份量絕對唔手軟，件件厚切不特止，連甜蝦都大大條，擺位都有心機排過，加上乾冰，好有視覺效果。壽司都不錯，食多幾件都唔覺膩。天婦羅就係新鮮即炸，熱辣辣即刻擺上台好入口好脆，最中意蟹柳天婦羅，外脆內軟。食完一輪日本嘢食下泰國嘢。蒜蓉生蝦好惹味，有啲辣，唔食得辣嘅朋友要着量一下。泰式炒蜆都好入味，無沙而且幾大蝶飛天炒通菜更加正，入味但又唔油膩，食晒成碟都唔覺得悶食到飽就可以去食甜品，甜品櫃入邊勁多甜品而且細細粒，每樣食一舊都仲有quota。個人食咗條黑糯米雪條，糯米味香濃，食到粒粒糯米，又有少少椰香未，雪到冰又唔會好硬，臨走前食一條啱啱好。