老沸爺火鍋 (已結業)

今日同朋友去完銅鑼灣行街，想打個邊爐，上openrice見到呢間餐廳幾多好評，所以就去試試。 呢間係一間任食邊爐，可以食兩個鐘，分兩種～一種就係普通火鍋料188+1 另一種就係包埋海鮮、雪花牛既套餐，288+1 因為見288既特別既湯底有燉湯，所以就試一試，而且可以免費鴛鴦鍋，都幾唔錯！ 我就叫左海底椰百合響螺頭龍骨湯同卜卜花甲龍蝦濃湯。龍骨湯非常清甜同足料，食得出媽媽既感覺，而卜卜花甲龍蝦濃湯就非常鮮味，仲有新鮮龍蝦，正！ 飲完龍骨湯，就開始打邊爐啦～跟餐既海洋有鮑魚、帶子等等，都幾新鮮嫁 另外就有肥牛，肉質鮮嫩又重牛味～仲有其他小配菜，大部份都精巧美味。 我地仲叫左一堆火鍋配菜，都幾新鮮嫁～個菜餃幾出色，菜味香又有咬口 唔單止一般既火鍋配料，佢仲有熱食，例如手拍青瓜等等，都非常香口～ 蔬菜同飲品都係自助區可以任拎，非常抵食，應有盡有～ 總結黎說，288+1呢個價錢可以食到呢個質素真係唔錯～而店員服務態度都好好，會好小心咁幫你放好火鍋同配料，比大家可以盡情打卡～如果下次想再打邊爐，應該會再黎！