百味堂 (已結業)

當百味堂之前開係k-11 地下果層時，曾經盛極一時，無論咩時間去都超多人排隊，風頭一時無兩，個個都拎住雪糕影相，不過而家開左幾間分店，熱潮過後已經完全唔洗排喇。揀番最原始既招牌白雪雪屎型雪糕 - 原味牛奶雪糕，造型趣緻可愛，呃like 一流，牛奶雪糕本身帶有奶膻味，不過質地未算好creamy 好稠身果種，反而會有些少冰粒，可能水份比較多，亦都算係快溶，而個筒就係威化筒，我自己就一向唔鐘意威化筒既質地，所以就覺得無乜特別。