影片
更多
2023-05-27
8 瀏覽
銅鑼灣呢棟大廈好多高質日本野食，食過幾次都好唔錯，今晚又搵到間正。吞拿魚、鮟鱇魚肝其實唔係個個岩食，但呢度煮得幾好冇怪味，平時少食都接受到，甜薯好鬆軟。第一次見刺身三點係組合埋一齊，原來都幾夾。 牡丹蝦上面放左黑魚子同吞拿魚，全部都好新鮮，豉油都唔使點，好甜。雖然只有薄薄一片和牛放在沙律上面，但係存在感都好大，好有油香，為今晚嘅和牛之旅打開序幕。鵝肝茶碗蒸好得意，佢絕對唔係飽肚嘅蒸蛋，而係好似泡泡蛋花湯咁，飲落好輕盈。燒帆立貝真材實料，切開咗兩半都仲係好厚肉清甜，有喺魚市場食緊日本海產嘅水準。炭燻牛舌芯好有驚喜，作為其中一道菜竟然有足兩大塊牛舌芯扒，厚身Q彈，媲美喺日本食到嘅牛舌專門店。紫蘇二重燒牛肉卷除咗牛之外，仲加咗紫蘇葉同漬物，漬物索索聲口感好突出，兩種香味同和牛好夾。壽喜燒加左酒我覺得有加分，整體用料同味道好完整，因為牛都好靚，如果可以配埋蛋點下就更好。A5和牛扒油花好靚，輕輕燒左兩面就上得，淨係睇表面光澤就知好食。 和牛熟度岩岩好，肉汁豐盈。 廚師毫不手軟咁灑左大量烏魚子，好香口。梅子冷素面雖然睇落好清咁，但味道一啲都唔單調，麵汁本身酸酸甜甜好清爽，另外配有梅子醬，雪到好冰凍
吞拿魚、鮟鱇魚肝其實唔係個個岩食，但呢度煮得幾好冇怪味，平時少食都接受到，甜薯好鬆軟。
第一次見刺身三點係組合埋一齊，原來都幾夾。 牡丹蝦上面放左黑魚子同吞拿魚，全部都好新鮮，豉油都唔使點，好甜。
雖然只有薄薄一片和牛放在沙律上面，但係存在感都好大，好有油香，為今晚嘅和牛之旅打開序幕。
鵝肝茶碗蒸好得意，佢絕對唔係飽肚嘅蒸蛋，而係好似泡泡蛋花湯咁，飲落好輕盈。
燒帆立貝真材實料，切開咗兩半都仲係好厚肉清甜，有喺魚市場食緊日本海產嘅水準。
炭燻牛舌芯好有驚喜，作為其中一道菜竟然有足兩大塊牛舌芯扒，厚身Q彈，媲美喺日本食到嘅牛舌專門店。
紫蘇二重燒牛肉卷除咗牛之外，仲加咗紫蘇葉同漬物，漬物索索聲口感好突出，兩種香味同和牛好夾。
壽喜燒加左酒我覺得有加分，整體用料同味道好完整，因為牛都好靚，如果可以配埋蛋點下就更好。
A5和牛扒油花好靚，輕輕燒左兩面就上得，淨係睇表面光澤就知好食。 和牛熟度岩岩好，肉汁豐盈。 廚師毫不手軟咁灑左大量烏魚子，好香口。
梅子冷素面雖然睇落好清咁，但味道一啲都唔單調，麵汁本身酸酸甜甜好清爽，另外配有梅子醬，雪到好冰凍好開胃。
甜品本身話係生果雪糕，都冇乜期望，估唔到有開心果味雪糕同蜜瓜，蜜瓜甜到入心，好滿足。
張貼
