大肚腩點心腸粉專門店 (已結業)

叫得腸粉專門店，呢度嘅腸粉一定唔會令你失望，如果你同我一樣係腸粉精，咁就要嚟呢度試吓啦！腸粉都幾多選擇，其中比較特別嘅有燒鴨腸粉，亦都係我嘅至愛！腸粉好薄好滑，燒鴨料都十分多，而且燒鴨皮仲保持到脆身添👍🏼👍🏼糯米雞非常大隻，餡料多，有成隻雞翼喺入面。腸粉以外當然仲有其他點心，質素普普通通。但係炸魷魚鬚就差咗啲喇，味精很重，一兩條已經感覺口乾。所以叫得腸粉專門店，大家嚟到都係留肚試多幾款腸粉啦！