大肚腩點心腸粉專門店 (已結業)

本人來這餐廳吃過兩次，侍應小姐也態度不錯。我最愛的吃的點心就是炸饅頭了。外脆內軟，而且元朗有賣炸饅頭的店確實不多，這個因素也成為了我去這店的原因。可惜衛生有待改善，桌子下不小心趺下來的剩菜一直沒職員關注，後來雖然我提醒並清理了，但是一直在剩菜的味道下用膳，不算是一個很好的體驗。另外一個小小的溫馨提示，記得先洗好餐再進食。

呢間大肚腩點心腸粉其實都已經開左好耐，不過好多時經過已經食飽飽。今日終於的起心肝去試一試。叫左幾款點心、腸粉同埋叫左個飯嚟試下。今次叫左帶子菜苗餃、芝士春卷、排骨飯同埋叉燒腸粉。帶子餃個樣都算幾靚，味道亦都唔錯，而且佢一籠係兩件，岩晒兩個人去食。芝士春卷感覺有少少油，加左芝士喺入面，夠熱但係油左少少，試下都無妨嘅！個排骨飯又幾好食wor, 好香，而且係熱辣辣岩岩好整起嘅，加埋點心兩個人食岩岩好。至於我最期待嘅叉燒腸粉反而覺覺得無咩特別，唔算特別出色。成餐飯我最欣賞嘅竟然係飯，菜苗餃都唔錯，佢仲有d特價點心套餐好似好抵食，下次可以再去試下其他野。

本來都幾鐘意食大肚腩，平時又平又好食。不過，近排食，食物水準同服務態度都好差。先講食物，蝦餃又蒸到淋哂，砵仔飯飯又淋,醬油又無味道，炸野又炸到又黑又乾。服務態度就仲差，本來叫左一個點心，等左一個幾鐘，見到老板出都未出，就諗住老板可能無落，叫埋單走人。一check 張單，見到有個點心，我地話無出wor。老板就黑哂面口，又叫入面廚房: 快d出快d出反個點心! 點心當然9秒9出左，出左就話：出左啦，快d俾錢啦無諗過食野都要受氣~ 差差差差差

2017.11.19 😊【在埃及宮殿裡享用中式點心】食在元朗想簡簡單單地食個一盅兩味 除了上茶樓外近年還多了一個選擇-點心專門店它們雖然沒有茶樓般的氣派卻勝在簡約隨性🍵在設計點心上的沒有固有的框架更容易吸納年輕人的市場大肚腩點心 小妹早就在吃貨界聽聞其大名這次終於有幸一嘗其招牌點心跟想像中有點不同 店面居然是以古埃及為主題🗿平凡中見趣味 食客亦爭相拍照秘醬手撕雞腸粉 $28小妹一心為傳說中的手撕雞腸粉而來之前曾聽聞大圍亦有類似名物 有待嘗試老實說 此點心的確是令人喜出望外主角腸粉幼滑就是必須的🤗調過味的雞肉 配上特調醬料及花生醬少少麻、少少辣 滋味非常 值得再戰芝心蝦春卷 (3件) $22每次上茶樓 小妹必叫蝦春卷可是令人大肚腩的點心又怎會那麼簡單🧀配上芝士的春卷 雖然講不上做成拉絲的效果但依然能嚐出芝士的香 果然是邪惡之選避風塘炒蘿蔔糕 $24小時候媽媽都會在新年時自制蘿蔔糕從小就教育我好食、有巧思的都會切到一條條絲蘿蔔糕烹煮可算是出神入化而小店除左附合一絲絲切外🥕還創新的來個避風塘炒 融入香港文化外表看起來很特別 一看還以為是燒腩仔炸蒜香香辣辣 惟味道未能帶到蘿蔔糕裡頭全日免收加一

元朗點心店不少，所以住左幾年都冇去過茶樓。呢間大肥腩，地方少少，坐住大約二十個左右。侍應招呼都幾快亦唔會黑面，你知，今時今日，出黎食，好多時反而要受氣。呢度唔會有。風沙炒蘿蔔糕，好食！其實我都未食過連炒蒜，咬下脆脆的蒜連軟滑蘿蔔糕一齊放入口，軟硬交錯形成複雜口感。煎薄罉，咸淡適宜這個叫手撕雞腸粉，真係出面未見過。手撕雞連芝麻豆豉，夾著腸粉麻醬一齊放入口，非常配。可惜沒有酒，這個用黎下酒一流。牛肉餅，食時千其要小心，中心勁多湯汁，又勁熱。外邊煎得脆，牛肉結實不散。最後凍些少，兩啖放晒入口。芝麻煎堆，必食推介，又係勁熱勁流心，凍小小，一啖放入口，咬爆佢，等芝麻流水爆射口腔。其樂無窮。畺汁糕，好味，但一定要熱食，因為都幾黏，勁煙韌。腐魚炒通菜，食材ok，不過無咩特別，只係叫咁多肉，梗係要黎碟菜平衡鳳爪汁比較啖口。 愛濃味就會覺得差少少咖哩魷魚，好爽脆又彈牙，唔錯。這個必叫，佢地樓面都有寫，金荀流心包，咪講笑，一定要千萬千萬千萬要小心，個包內極度豐富既流心，又熱又勁多。一唔小心就溜晒出黎。要慢食，更加咪夾得太大力。流心有清新既金荀同埋蛋黃粒。配搭得非常好蝦餃，大隻足料，皮薄。可能咁貴少少。一龍

餐廳在內街，不算難找。店裏只有一台客，很靜。內裡的裝修和感覺有點像身處在大陸的小餐館和一般的點心點差不多，價錢亦合理。特別之處就是很有人情味，一坐下，店員便問喝不喝茶，我們拒絕了。之後她送上兩杯水說：「天氣熱，不喝茶也要多喝水。」哇！加分加分！聽下去很舒服一定要推介這裏的腸粉，我本身不太喜歡吃腸粉，但這裡的腸粉一定要嚐試。手撕雞的醬汁調得很好，有麻油和花生醬的香味，不會太重口味腸粉的質地很彈牙，QQ的，感覺像吃芒果糯米糍的那層外皮，非常好吃份量很夠，感覺很有誠意啊看似平平無奇的牛肉餅，味道也有驚奇牛肉餅熱騰騰，一口咬下，牛肉餅的汁液四濺，外皮很脆，裡面啖啖肉，牛肉汁也很美味。很喜歡這種小店，推薦

今天星期一約咗屋企人6個有老有嫩一齊飲茶，之前試過大肚腩還可以最好喺唔洗點等位所以又去咗。工作人員態度差以及處理不當，建議改善。事情喺職員將隔離檯既「菜肉餃」俾錯咗我哋檯。當時我就以為喺屋企人叫既，所有無通知職員。之後過咗半個鐘，聽到職員喺隔離檯指住我地同隔離檯既客人檯話佢地比錯咗我哋。我問咗屋企人先知原來籠「菜肉餃」無人叫過。之後都唸佢會唔會叫我哋俾返錢，18蚊其實好平，俾同唔俾都無問題 — 因為我哋有唔小心食到籠嘢食。不過一直都無職員埋嚟我哋張枱同我地解釋喎。走過去埋單本身就諗住直接俾錢，不過都係檢查一下單。發現餐廳靜雞雞將「菜肉餃」加咗落我哋張單，我問職員點解。職員語氣不佳咁講「咁你哋食咗啊嘛！」就無解釋。我雖然照樣付款，但覺得職員就算唔講唔好意思，都起碼應該通知我哋一下再加落我哋張單。關於食品，叫咗幾多野食，不過無咩好特出。整體都有啲失望，比之前差啲。尤其帶子菜苗餃，蒸上嚟痴住曬籠仔邊同隔離果隻，夾上黎就穿咗。或者應該用個大啲既普通籠。另外環境衛生可以，不過廁所唔乾淨。裝修應該仲用緊上一手既埃及風裝潢，有啲奇怪。

我係一個腸粉迷，每次去酒樓都一定要點腸粉，最鍾意腸粉皮夠薄夠滑，不過要食到真係好味嘅腸粉都唔係易事！今次偶然之間發現呢間打正旗號係腸粉專門店，所以就算遠，都要過海黎試下！腸粉都有好多選擇，我揀咗三款，包括主打既脆皮燒鴨腸，金沙海鮮脆卷腸，同香茜牛肉腸！脆皮燒鴨腸$26呢個燒鴨腸幾特別，而且都好足料！(3個腸粉入面我會推薦呢個！)金沙海鮮脆卷腸$26呢個係佢地其中一個主款，又薄又滑既腸粉皮包住人面炸左既海鮮脆卷海鮮脆卷食落就似係炸左既蝦膠咁個人覺得呢個有啲失望，可能一開始太大期望，炸粉相對多左啲，變左有啲喧賓奪主！香茜牛肉腸$20 正常牛肉腸😂大肚腩蝦餃皇$16 蝦餃都幾大粒，正常水準蟹籽鮮蝦燒賣$16😑啲肉食落有啲怪！唔好食...鮮帶子菜苗餃$16正常，不過不失黑松露野菌餃$16個皮好厚...甘筍流沙包$20見多好多人推薦，所以試下，不過我覺得唔好食，雖然已經即刻食，但係流沙效果小得可憐，包皮好厚👎🏻避風塘雞翼$28一般另外，仲有試牛肉餅，不過真係好一般，無論係賣相，定味道，我都唔覺得好🍽總括來說，腸粉皮係夠薄，而且都好滑，係幾好，值得一試！不過其他點心就一般，無話好特別！

元朗真係一個美食天堂：有好味又平價既野食之餘、又有得掃街。一路沿途都見到有好多特色小食、例如布丁燒、綠茶味砵仔糕、波波西瓜果汁等等，不過行得太多啦，都係簡左入鋪頭坐低舒舒服服咁食。聽講大肚腩點心腸粉專門店個牛肉餅好出名，都行過啦、不如入去食啦。時間常早，仲未有好多人，所以可以坐卡位。呢度裝修都幾搞笑，點解咁埃及既？連壁畫同牆身都係埃及圖案，好神秘。事不宜遲，試下聞名已久既牛肉餅係味真係咁好食先。等了又等，點知炸饅頭黎左先...不過不失啦，有少少太油膩又唔夠香。好彩有煉奶搭救，等我點多d先。牛肉餅終於俾我等到啦，但未咬個汁已經飛曬出黎，而且仲好辣嘴....食果陣真係要好小心。本人認為個汁非常之咸、好重味....唔太係我style囉。

今日行行下見肚餓，唸住求其入間舖食少少野醫下肚啦。我地兩個人，叫左四樣野，見佢價錢同酒樓差唔多，就期望佢都會有酒樓咁既質素啦。碟叉燒腸粉一黎到，個樣都睇落冇咩問題，一食落口就真係唔得掂，個腸粉食落口係酸既，再試多啖，真心酸餿味。第二樣蝦餃，都okay，味道不錯，但價錢較貴，廿幾蚊得兩粒。第三樣牛柏葉，不過不失，但佢啲牛柏葉唔係爽口個種第四樣，佢個小籠包一上到黎，眼都凸埋，原來我一直對灌湯小籠包理解錯誤。總之，呢間店唔會再食第二次。

搬入元朗一年多，在大肚腩飲茶已經有4、5次，第一次是因為睇到食評介紹爆汁牛肉餅，但試過之後覺得麻麻，反而他們的點心令我們經常幫趁。必須推介是他們的蒸腸粉，皮薄幼滑，蝦腸、义燒腸都很出色。另外還有甘筍流沙包及缽仔蒸飯（今天沒點）都非常好吃。其他基本點心不用說了，都頗有水準，以這樣的價錢，磪實抵食。有些點心係兩粒一籠，兩個人啱啱好，可以叫多幾款。之前一直冇試過佢地嘅甜品，今日心血來潮叫左個芒果糯米卷，哇，好好食，糯米外層也有用芒果肉揉合，加上裡面凍冰冰芒果肉，超正！

叫得腸粉專門店，呢度嘅腸粉一定唔會令你失望，如果你同我一樣係腸粉精，咁就要嚟呢度試吓啦！腸粉都幾多選擇，其中比較特別嘅有燒鴨腸粉，亦都係我嘅至愛！腸粉好薄好滑，燒鴨料都十分多，而且燒鴨皮仲保持到脆身添👍🏼👍🏼糯米雞非常大隻，餡料多，有成隻雞翼喺入面。腸粉以外當然仲有其他點心，質素普普通通。但係炸魷魚鬚就差咗啲喇，味精很重，一兩條已經感覺口乾。所以叫得腸粉專門店，大家嚟到都係留肚試多幾款腸粉啦！

收工行過見個名咁得意就入去試下啦！點知中晒招 下午茶 好似幾平其他 中價環境坐低嗌左水仙，個水仙好奇怪，冇咩水仙味，如果識品茶既兄弟都請指點下，我懷疑d茶葉係咪沖過好多次尖椒 正正常常ok慨！d椒冇淋晒！不過味都係爭少少！伏野黎啦 金錢肚 太韌 勁難咬 得一大堆香料，完全食唔到其味！鳳爪 醬就夠 淋度都ok 又係勁重香料味 又係食唔到其他味！灌湯餃正常野 ok慨 金沙海鮮腸 外層腸粉 ok 層脆脆都幾脆 問題黎啦 d海鮮細粒到好似手指尾d指甲咁細 接近係食唔到同見唔到薑蔥牛柏葉 係我最嬲架地方 我咁大個人 未試過食唔晒 牛柏葉 要薑蔥冇薑蔥 牛柏葉係韌到咬唔開 最重要係 佢果陣化學味仲係到 完全唔食得人 一入口咬左2下 嘔反出黎個牛柏再大塊都冇用，根本食唔入口。。我覺得我好對唔住d牛柏葉 如果唔想做宵夜時間就唔好做啦 整d咁架野食出黎又有咩為 對唔住d食物丫

飲夜茶文化不知是何時出現，晚上心血來潮就可以去飲夜茶吃點心，其實香港人的確挺有口福。今晚和老公拍住拖去吃拍拖點心，為什麼我叫它拍拖點心？因為不少點心是 兩件 上嘛！這裏的點心都是即點即蒸，下單後要稍等，大家要有點耐心喔，但是值得的，每份點心都是熱辣辣新鮮奉上，美好的事，通常都要等待！先點一個普洱，比較不怕失眠。香茜牛肉腸（$20) 腸粉好滑，牛肉餡料多，非常好吃。大肚腩蝦餃皇（$16)大大隻白裡透紅，鮮蝦爽甜彈牙，高質，橢圓形蒸籠好特色。蟹籽鮮蝦燒賣（$16)本身我不吃燒賣，因為怕肥豬肉，但這個絕對例外，有蝦有蟹籽，很吸引，無法招架，吃了一隻，果然味美。荔芋鳳尾蝦（$22) 這個比我期望稍遜，芋茸實了一點，不夠軟滑，但金黃酥脆的外皮做得不錯。爆汁牛肉餅（$16)比我想像中細小很多，不過，別小看他的殺傷力，我一咬下去，牛肉汁的射程很遠差點兒淺到坐在對面的老公，幸好有驚無險，大家吃時一定要小心，外皮不太厚，肉嫩，餡料的牛肉味不算濃但肉汁也鮮甜，但沒有想像中出色。魚肚滑雞扎（$26) 正常水準。蝦醬豬頸肉缽仔飯（$35) 用缽子盛着蒸賣相不錯，蒸出來的飯夠飯香，口感又有彈性，豬頸肉爽口不羶，

值得一試， 一試難忘， 會返轉頭再食好好味，啲腸粉一流超水準一定要叫黎食（帶子腸粉），出面啲有茶飲可以食下點心舖頭好多都係叫一籠燒賣有4粒一個人去食同兩個人去食都唔可以叫多啲點心，但係依到個廚師好細心每籠點心都係得兩粒價錢唔算好貴可以食多幾 款點心樣樣都好美味，雪山叉燒包好特別同平時茶樓飲茶唔同好好味啊我幫襯過幾次都有咁嘅水準忍唔住要介紹下比人知道，仲有服務都係好好如果我一個人或者兩個人值得推介一定要黎食下講到好似我開咁哈哈^_^