韓珍 (寶勒巷)

營業中

休息中

韓國菜食得多，多數d前菜食到要encore 但呢但d前菜無人掂咁濟真心麻麻地，泡菜係唔入味又唔多辣，個南瓜仲未煮透喎師父，可能係生生地咁食掛，我唔係experts 我真係唔知係咪我唔話識食。肉到喇，眼見前面幾款肉都幾靚仔幾新鮮咁，不過可惜你預期佢會好入味好好食，但個五花肉係無味又肥又多油，完全係靠醬料調味，不過d醬都係麻麻，得麻油海鹽同韓式豆瓣醬。。。你睇相見到橙橙黃黃果件好似係牛肉，燒完痴穫係佢最大特色，味度好似5香粉咁既味，燒完外皮會有點硬，入面既汁都揮發得所淨無幾，好乾。牛痢不錯，爽口既，但又係無味。。。睇到啦 ，其實真係有點乾。。。店員好好，全程幫我地燒。雖然。。佢係瘦左d.....但我認為佢係全晚最吸引既菜式！韓式炸雞無得輸！皮脆肉亂，咬開仲好juicy 仲有好多雞汁雞油流岀嚟，個皮多薄，食得多都唔會溜，仲有想講佢地有個類似蛋黃醬既物體！好鬼好食嫁，簡直絕配！呢個蛋菜卷反而好重口味，醬料太多，有種too much 既感覺，味道似大阪燒。呢個人參雞窩係淡到不得了 ，無乜人參味亦無乜雞味，但就有件鞋颯颯嘅雞係入面，口感似煲完湯既瘦肉咁。。。不好吃飯後甜品有水果食。