更多
2021-06-09
2999 瀏覽
同屋企人慶祝生日就去左君悅酒店食自助餐並無入住到主要係覺得呢間酒店staycation都算係福布斯四五星入面最唔值果間君悅酒店一共有三間自助餐餐廳一間係係地下既grand cafe係最普通果種多國菜既自助餐第二間係M樓既tiffin呢間係西式自助餐無中日式之類既食物而第三間係11樓泳池既the grill主要食BBQ烤肉既而我今日就揀左去茶園食#wine#pig因為聽唔少人講呢間係最高質既自助餐亦都有諗過去hotel icon既the market不過果邊完全無折扣就真係太貴今次係網上平台訂位都叫做有個85折既優惠另外如果係book staycation食自助餐grand hyatt既住客係每人只有限時90分鐘真係痴線公司而我地比正價既就可以由六點半食到十點叫做有三個半鐘坐酒店大堂經樓梯上就係M層閣樓樓底都真係幾高差唔多六點時間好多人排隊放飯當時仲可以填紙仔而家就唔清楚ABCD乜餐tiffin門口係糕品店糖果屋相比就好冷清另外tiffin比較出名既係八婆下午茶同埋佢地既自家製雪糕好似連外賣都訂到full晒所以環境都算係比較舒服檯同檯既距離都幾開我地五個人分開左兩張檯坐但一張係三個人坐既
就去左君悅酒店食自助餐
並無入住到
主要係覺得呢間酒店staycation都算係福布斯四五星入面最唔值果間
君悅酒店一共有三間自助餐餐廳
一間係係地下既grand cafe
係最普通果種多國菜既自助餐
第二間係M樓既tiffin
呢間係西式自助餐
無中日式之類既食物
而第三間係11樓泳池既the grill
主要食BBQ烤肉既
而我今日就揀左去茶園食#wine#pig
因為聽唔少人講呢間係最高質既自助餐
亦都有諗過去hotel icon既the market
不過果邊完全無折扣就真係太貴
今次係網上平台訂位都叫做有個85折既優惠
另外如果係book staycation食自助餐
grand hyatt既住客係每人只有限時90分鐘
真係痴線公司
而我地比正價既就可以由六點半食到十點
叫做有三個半鐘坐
酒店大堂經樓梯上就係M層閣樓
樓底都真係幾高
差唔多六點時間好多人排隊放飯
當時仲可以填紙仔
而家就唔清楚ABCD乜餐
tiffin門口係糕品店糖果屋
相比就好冷清
另外tiffin比較出名既係八婆下午茶
同埋佢地既自家製雪糕
好似連外賣都訂到full晒
所以環境都算係比較舒服
檯同檯既距離都幾開
我地五個人
分開左兩張檯坐
但一張係三個人坐既六人檯
另一張係好普通既二人檯
個分配係完全唔平均
兩者對比真係好大
六點幾太陽仲未落山
都叫做有個落地玻璃景
係唔明君悅同萬麗兩間都算係海景酒店
但兩間酒店既餐廳都起係低層
基本只有港灣壹號算係有海景
真係好浪費
口罩套亦都普通
其實件事就好搞笑既
話說staycation住客就要限食個半鐘
咁我格離張二人檯係我入座之後就一直都空既
直到八點半就真係有人坐左落黎
而再格離本身有人坐果張二人檯
佢地就真係食到八點鐘就消失左
之後亦都無人再坐
即係話雖然時間係分左兩輪
但係並唔代表會兩輪都有人坐既
咁成件事都幾on居
自助餐區其實只有餐廳中心一個小小既位置
一樣有劃分出入口
有放酒精可以消毒
近出口呢邊有個沙津吧
掂都無掂過
最近入口就係煙燻三文魚
都幾厚切
格離就係凍海鮮
就只有一個counter仔
有長腳蟹
青口
海螺同蝦
兩款生蠔都係即開再擺上去
無間斷咁供應
但係size就勁細隻
cold cut檯
仲有芝士檯
兩樣都唔岩食又係無乜掂過
另外熱食都係得一張檯
有雞有牛有魚
雖然只得四碟
不過算係唔錯
基本上就只有呢三張檯
無日式刺身
亦都無中式粉麵飯
呢度其中一個賣點就係威靈頓牛
另一邊仲有燒豬肉
就要留意番時間
因為岩岩出爐既威靈頓牛切出黎真係會好食好多
擺得耐就會搞到又淋又散
而豬我就覺得唔好食
係威靈頓牛既兩側仲有四款食物
炸魚薯條
焗田螺
35 瀏覽
0 讚好
0 留言
煎鴨肝好厚勁大舊
其實大部份食物都OK
唯獨係個蘑菇湯真係唔好飲
而且睇得出同以往相比係都少左野食既
咁除左威靈頓牛係賣點
tiffin仲有跟每一人隻即係開邊兩件龍蝦
總共有三種口味可以揀
女朋友太貪心想要晒結果侍應好好人比晒三份我地
芝士有少少漏
124 瀏覽
0 讚好
0 留言
23 瀏覽
1 讚好
0 留言
22 瀏覽
0 讚好
0 留言
再出去補刀補番幾件鵝肝都夠
連威頓牛都食唔落
每人只跟一杯野飲
我要左凍檸茶
女朋友要熱檸茶
成碗茶比你慢慢斟
呢度d茶幾好飲
係比較香
但都係後尾睇番alfred先記得揀西茶係有好多茶葉揀
無試到呢個體驗
最後甜品都唔多
不過佢地自家制雪糕就好出名 有十款口味
當中有幾款係好特別但又未必會想試
好似咸蛋肉鬆雪糕咁
不過我都試左芒果糯米飯味
116 瀏覽
0 讚好
0 留言
之後再試埋個雲妮拿
就比較正常
唔算好特別
蛋糕就只得幾樣
另外仲有D馬卡龍
11 瀏覽
1 讚好
0 留言
係okibook預約果時就有寫話係慶祝生日
所以都有個蛋糕仔送番
雖然就無寫任何名字
但都算係個少少既驚喜
不過其實周圍好多都係黎慶祝
一直都見到有好多呢款生日蛋糕送出黎
去到後尾海鮮個擺位已經唔靚仔
不過都仲見到keep住有生蠔慢慢開
另外個夜景都叫做望到IFC同摩天輪
同埋呢度入夜之後環境都算幾黑下
洗手間係餐廳外面
仲要過埋salon
都幾遠下
dinner buffet食足三個半鐘
正價758蚊位
無長者優惠
係online訂位有85折
另外原價加一
埋單三千六
平均每位七百二
我都係第一次食呢個價位既自助餐
總結黎講素質係比普通自助餐高既
不過款式唔係好少
係真係好少
老母有怨言話無野食
如果帶廢老應該都係落番樓下grand cafe食好過
我自己就覺得唔算太特別
可能真係其他自助餐太差先顯得呢度特別好
就一定未去到fine dining級數
始終威靈頓牛放耐左就唔好食
不過呢度侍應好有禮貌
入場果時有提屋企廢老小心梯級
收碟亦都好快手
唔係九流流果種
同埋仲有鋼琴伴奏
成個環境幾舒服
唯一唔滿意係張二人檯真係唔夠大
放幾碟龍蝦已經唔係好放得落
港香Cafe too張檯真係吊打全香港
張貼