影片
更多
2016-10-22
1971 瀏覽
同阿媽去食飯，阿媽又係好鍾意食日本野，喺上環果頭返工都係喺港島區食飯比較方便。加賀屋之前係地舖，之後搬咗想去一樓大間左好多，裝修都好靚，不過就懶得影相啦。金粟$13我係一個好鍾意食粟米嘅人，就算係放題我都會食粟米，所以粟米軍艦都係我嘅首選，上面有啲牛油又香又甜，加埋香脆嘅紫菜都幾一流。火炙鰻魚＄28條魚好長，醬汁分部左係中間，所以要用筷子分開佢哋，完全冇骨，食落去調味剛剛好而且有啲燒嘅香味。海膽＄48特上海膽＄50我亦都係一個海膽控，我媽媽都好鍾意食海膽。呢個價錢係兩件海膽嘅價錢，即係平均一件海膽軍艦大約係$24-25。我最鍾意就係特上海膽，一向加拿大出產嘅海膽都比起韓國更加好味，更有鮮味而且入口即溶，這間的海膽來過也很好，完全不會有很怪的臭腥味。如果價錢相若的話當然首選係加拿大海膽啦！！關協刺身定食＄135都有幾款刺身，又有吞拿魚、三文魚、帶子、甜蝦、油甘魚，我就食咗帶子，好鮮甜，有彈性！甜蝦應該係大大隻嘅赤蝦，三文魚同埋吞拿魚都係厚切，魚油十足， 另外有個烏冬，見到佢個質感幾靚食咗幾條，甜甜地。三文魚頭湯味道有啲似面豉湯，不過裏面就真係有魚頭同埋豬肉，有啲咬口。日式燉蛋好滑，有冬菇
同阿媽去食飯，阿媽又係好鍾意食日本野，喺上環果頭返工都係喺港島區食飯比較方便。加賀屋之前係地舖，之後搬咗想去一樓大間左好多，裝修都好靚，不過就懶得影相啦。
金粟$13我係一個好鍾意食粟米嘅人，就算係放題我都會食粟米，所以粟米軍艦都係我嘅首選，上面有啲牛油又香又甜，加埋香脆嘅紫菜都幾一流。
火炙鰻魚＄28
條魚好長，醬汁分部左係中間，所以要用筷子分開佢哋，完全冇骨，食落去調味剛剛好而且有啲燒嘅香味。
海膽＄48
特上海膽＄50
我亦都係一個海膽控，我媽媽都好鍾意食海膽。呢個價錢係兩件海膽嘅價錢，即係平均一件海膽軍艦大約係$24-25。我最鍾意就係特上海膽，一向加拿大出產嘅海膽都比起韓國更加好味，更有鮮味而且入口即溶，這間的海膽來過也很好，完全不會有很怪的臭腥味。如果價錢相若的話當然首選係加拿大海膽啦！！關協刺身定食＄135
都有幾款刺身，又有吞拿魚、三文魚、帶子、甜蝦、油甘魚，我就食咗帶子，好鮮甜，有彈性！甜蝦應該係大大隻嘅赤蝦，三文魚同埋吞拿魚都係厚切，魚油十足， 另外有個烏冬，見到佢個質感幾靚食咗幾條，甜甜地。
三文魚頭湯味道有啲似面豉湯，不過裏面就真係有魚頭同埋豬肉，有啲咬口。
日式燉蛋好滑，有冬菇又有蟹椰，咸咸地。前菜沙律主要係西生菜，再加上一啲胡麻醬汁，粟米粒非常清新又冷。
媽好鍾意食吞拿魚，特別係一啲吞拿魚腩嘅位置最得佢歡心，雖然呢個壽司六件唔係太平，不過質素睇落唔錯都叫咗。
特選鮪盛$180
大吞拿魚腩兩件、中吞拿魚腩兩件、吞拿魚兩件，基本上越大嘅吞拿魚腩就越淺色，所以吞拿魚來講越淺色就越好味。我哋選擇有冇咁好味嘅普通吞拿魚開始食先，但係味道都好好，唔係太腥。越食就越好味，越嚟越有油香，而且質感特別，香味十足。
張貼
