仙后餐廳 (裝修中)

終於有機會食仙后😍餐廳裝修好有心思，就好似時光倒流返去六、七十年代，帶有歐陸復古風格。一入去右邊係舞台做裝飾主題，天花有彩色玻璃穹頂同水晶大吊燈，呢邊真好靚！中間酒吧做左分隔，另一邊係法式小館，典雅復古的感覺。好欣賞仙后係唔同details位都做得好用心，Menu用左報紙做設計，份外復古。去個洗手間都好高級，有梳妝枱，仲有條打卡走廊😂 疫情之下，無book位walk in都入得🙈希望佢做得住啦，畢竟都落咗好多心機去裝修！直接總結的話，我會話食物都有質素，環境舒服，Lunch set價錢合理，好值得一試💯我哋一人一個set，一個要前菜一個要甜品🍮Lunch Set Soup + Starter/ Dessert + Main + Coffee/Tea $288pp 🔸餐前麵包🍞拎上手仲暖暖哋，有牛油香味🧈🔸雞肉凱撒沙律🥗脆炸麵包粒包住雞肉卷，質感嫩滑帶點爽口👌🔸青豆濃湯侍應一黎話是日餐湯係青豆濃湯，心裡面即刻打左個突😂心諗平時嘛嘛地青豆喎🙈湯都真係第一次飲，估唔到又ok，唔會有草青既感覺🤣🔸慢煮鱈魚+$48🐟鱈魚肉質略嫌唔夠細嫩，不過底下的茴香煮洋蔥，煮得好淋身，帶啲焦糖味，醬汁做得唔錯