Le Bistro Winebeast (已結業)

灣仔呢間食法國菜小店都有驚喜喎！前菜叫左個French Tapas，有牛肉他他、炸鴨肉丸、醃製三文魚等，每樣都好特色，少少地就可以試多幾款，都幾精緻！Impossible burger, 見友人未食過所以叫左，呢間真係煮得好似肉，加埋煮到勁淋既焦糖洋蔥，真係好似食埋真牛肉漢堡咁！Rossini agnus beef fillet係一道好經典既法國菜，即係牛扒配鵝肝同松露，我都幾驚喜咁厚身既牛扒medium rare 但juicy，而且鵝肝既油份令牛扒變得更加香但又唔會覺得好油膩，而鵝肝煎香但內軟，整體真係做得唔錯！Grilled Hokkaido scallop 係好濃滑身芝士蓉醬配上松露片，令北海道帶子呢類型相對淡身既海鮮變得味道豐富左，同埋燒到岩岩好半生熟既帶子處理得好好，最怕過熟而嘥左啲靚食材！甜品就叫左poached pear，用紅酒煮成既啤梨充滿住濃濃既酒香，配上薑餅味雪糕，實在為呢一餐劃上滿足既句號。