鮮入圍煮 (已搬遷) 新店位置

媽媽鐘意食花膠，上次帶完佢黎食，一直念念不忘，話想再食呢間，所以今晚又抽左時間帶佢黎。雖然六點尚早，但已經坐左大半人，一如上次叫工花膠雞湯。🥘花膠雞湯（細）$238一上湯底員工就隨即係我地面前剪開隻雞，滾多陣就可以開餐，湯底雞味濃郁、花膠厚實，雞有鮮味。🥢韭菜餃 $32估唔到呢個韭菜餃甘好味，材料新鮮，餡料夠多，韭菜香口，整體又唔會膩，大滿足。🥢炸響鈴 $48打邊爐又點小得響鈴呢。🥢新鮮田雞（2隻）$44新鮮清甜，記得唔好碌太耐，剛好熟就最好食。🥢鮮淮山 $35口感爽滑，滾耐d會更綿更好食。🥢油麥菜 $32蔬菜新鮮，可索哂湯精華。