雲南啊老表黑山羊湯鍋米綫 (觀塘工業中心) (已搬遷) 新店位置

預先上網做左功課先去食，知道呢度既米線份量相當多，所以我只係嗌左細碗既黑羊湯米線。當日晏就兩點幾黎到，人流並不多，仲有好多位，環境都幾舒適～不過服務麻麻地，冇人招呼我地，問野又唔答，當聽唔到。-唔洗十分鐘，米線就上枱。大大碗，熱辣辣，一上枱就傳黎好香既羊味😍聞落去羊味超濃郁，但其實食落係清淡好多～每飲一啖湯，都有微微既羊羶味。平時唔好羊既我，就覺得岩岩好，而且食羊就係要有陣羶味先正😆-米線份量太多，食唔曬。羊肉切成一片片，一小口一小口咁食，非常方便。味道唔會太羶，食完即刻暖笠笠～但對於我黎講，湯底淡左啲，可能我太重口味🤦🏻‍♀️不過整體係唔錯既~清清淡淡，飲埋碗湯都唔會覺得膩～