影片
更多
2017-01-29
651 瀏覽
平日放學後都會係誠品打下書釘，上電梯到六樓都會必定見到呢間京都百年抹茶老店，今日心血來潮，既唔想食food court，亦見到唔使排隊，就諗住食清啲，食下麵食同甜品。 熱讚岐烏冬 ($68)讚岐烏冬出曬名又煙韌又滑，端上黎熱烘烘。就好似係日本食嘅烏冬一樣，用料雖然簡單，但味道上就多左一種溫暖，啱哂係冬天食啦！呢碗烏冬亦有兩大塊炸魚餅，魚蓉味濃，麵漿份量恰好。熱抹茶蕎麥麵 ($78)身為抹茶控，當然要點返抹茶的食物！雖然唔係好食得出有抹茶味，但青青綠綠嘅麵條顏色好吸引，口感剛好不太軟又不太硬。個湯係咸咸地既醬油湯加白蘿蔔蓉，清清地唔錯！最得意係啲細細粒菇仔，又滑又香。 香港限定芭菲 ($98)抹茶軟雪糕好厚好滑，而抹茶味道唔係一入口又甘又澀個種，而係aftertaste先有茶味滲出。細心咁睇，原來個芭菲有十層layers(有抺茶蕨餅、白玉、脆米、忌廉、紅桑苺等等)！最鐘意個白玉，超有咬口又唔糊口。 焙茶芝士蛋糕SET ($108)抹茶甜品就食得多，焙茶甜品就相對上比較少見！比起抹茶，焙茶會有一種烘焙味，味較香濃溫純。個焙茶芝士蛋糕夠挺身，唔太甜，重芝士味。雪糕比較有冰感，似飲緊冰凍焙茶！
熱讚岐烏冬 ($68)讚岐烏冬出曬名又煙韌又滑，端上黎熱烘烘。就好似係日本食嘅烏冬一樣，用料雖然簡單，但味道上就多左一種溫暖，啱哂係冬天食啦！呢碗烏冬亦有兩大塊炸魚餅，魚蓉味濃，麵漿份量恰好。
熱抹茶蕎麥麵 ($78)身為抹茶控，當然要點返抹茶的食物！雖然唔係好食得出有抹茶味，但青青綠綠嘅麵條顏色好吸引，口感剛好不太軟又不太硬。個湯係咸咸地既醬油湯加白蘿蔔蓉，清清地唔錯！最得意係啲細細粒菇仔，又滑又香。
香港限定芭菲 ($98)抹茶軟雪糕好厚好滑，而抹茶味道唔係一入口又甘又澀個種，而係aftertaste先有茶味滲出。細心咁睇，原來個芭菲有十層layers(有抺茶蕨餅、白玉、脆米、忌廉、紅桑苺等等)！最鐘意個白玉，超有咬口又唔糊口。
焙茶芝士蛋糕SET ($108)抹茶甜品就食得多，焙茶甜品就相對上比較少見！比起抹茶，焙茶會有一種烘焙味，味較香濃溫純。個焙茶芝士蛋糕夠挺身，唔太甜，重芝士味。雪糕比較有冰感，似飲緊冰凍焙茶！
配 桃味焙茶(熱)焙茶配水果味係好特別既配搭，特意點左熱茶，咁先飲得出茶味！侍應同我地講，杯茶可以沖三次，而且還附上一張講解點樣利用沙漏計時泡茶既説明書。沖出黎真係有水蜜桃香味，同溫潤既焙茶都幾夾~
焙茶沙冰雪糕 ($58)友人反而點左杯凍既焙茶沙冰，淡淡地少甜，配上雪糕又係另外一種食法。
值得一提的是，店員係落單時詢問客人甜品後上定係同熱食一齊上，免得雪糕融掉，呢點都幾欣賞。
張貼
