268
27
9
電話號碼
35801838
開飯介紹
於京都有過百年歷史的抹茶老店，抹茶賣點以手打製作，供應抹茶蕨餅、林屋抹茶芭菲及特濃焙茶雪山等一系列抹茶名物，此店為最優秀灣仔/銅鑼灣開飯熱店及最優秀開飯甜品店入圍餐廳。
繼續閱讀
附加資料
飯麵食供應時間由11:30至21:45
營業時間
今日營業
11:30 - 09:15
星期一至日
11:30 - 09:15
公眾假期
11:30 - 09:15
公眾假期前夕
11:30 - 09:15
以上資料只供參考, 請與餐廳確認詳情
相關文章
餐廳：京林屋地點：銅鑼灣希慎廣場菜式：日式甜品餐牌：甜食有抹茶或者焙茶啫喱雪糕，雪山，芭菲，布丁，蕨餅，抹茶紅豆年糕甜湯，餡蜜，卷蛋，蛋糕，芝士蛋糕等等。熱食有蕎麥麵，烏冬，牛肉丼，牛肉烏冬，四款定食等。飲品有各款茶同牛奶等。雪糕口味有抹茶同焙茶。每人最低消費一樣野。焙茶紅豆白玉軟雪糕 $56 另加一呢款焙茶紅豆白玉軟雪糕係喺外賣餐牌，原來堂食都可以叫，只係要比加一。焙茶紅豆白玉軟雪糕好大杯，雪糕已經溶緊上枱，連粒白玉都跌緊落黎。焙茶雪糕超滑溜同香濃。白玉雖然細細粒，不過質感唔錯，煙煙韌韌有咬口，紅豆蓉甜到漏，配焙茶雪糕都好夾。個窩夫餅比正常大少少，先可以容納白玉同紅豆。窩夫餅食落厚薄適中，夠脆，味道唔錯。軟雪糕到底都有，份量唔少，呢個紅豆白玉軟雪糕抵食，下次我都要再encore!抹茶紅豆白玉軟雪糕 $56 另加一之後encore多個抹茶紅豆白玉軟雪糕，試試抹茶軟雪糕質素。呢個抹茶紅豆白玉軟雪糕份量就明顯少d，真係random。賣相就好少少，至少雪糕唔係溶緊。抹茶軟雪糕都係好厚身，滑溜而抹茶味唔錯，不過個人覺得焙茶更香更好食！雪山 $108 另加一林屋抹茶雪山特大氣溫上升到30度以上，呢個雪山例牌要叫。特大雪山有勁多軟綿綿嘅雪花冰，上面最頂有半球抹茶硬雪糕，面頭灑上少少抹茶粉。雪花冰外面嗰層已經加左牛奶，味道微甜，味道調得好啱。入面好多雪花冰係冇味，等你自己加另上嘅抹茶醬或者煉奶食。抹茶醬好香濃而甜度適中，煉奶又香又甜，兩樣配冰食都好味。雪花冰下底有兩粒白玉丸子，下底仲收埋左唔少抹茶蕨餅同紅豆蓉，同無味既雪花冰一齊食就唔覺甜。抹茶硬雪糕就當然無軟雪糕好食，不過用黎配雪花冰食都幾好。可惜呢款雪山得抹茶口味，強烈建議新增焙茶口味。總括而言，黎過呢度咁多次，個人覺得呢度最抵同好食都係特大雪山同埋軟雪糕，而焙茶比抹茶更出色。
繼續閱讀
SOGO 感謝祭shopping完逼完之後想食d綠茶甜品補充體力 就近去左Hysan 幾年冇食過既京林屋上一次黎已經係疫情前啦估唔到佢地既Menu冇咩改變 好有親切感💁🏻♀️京式鰻魚飯配自選茶 $128自選茶揀左蘋果玫瑰煎茶綠茶帶有好香蘋果味 好清新解渴 玫瑰🌹香氣就欠奉鰻魚飯係原條鰻魚上 都幾大條不過就唔夠肥美 同煎得唔夠香口略嫌鰻魚汁唔夠 所以叫左侍應額外再另上一碗鰻魚汁飯粒沾滿茶香既關係 幾開胃 比平時食多左飯💁🏻♀️村屋和食料理單品 $88呢個我就冇跟茶 如果要埋茶就$108呢個餐係我以前鹹食必點之選因為超豐富 小食前茶連醃蘿蔔加埋都已經有8款咁多 樣樣都好開胃好好食 尤其鯖魚煎得香口 魚肉亦唔散 飯粒同樣沾滿茶香 所以我特別喜愛💁🏻♀️香港限定芭菲 $98呢款甜品都係我以前必點之選芭菲有脆米 白玉 綠茶啫喱 紅豆 黑糖等等豐富配料同抹茶軟雪糕配搭得好好甜度適中 雪糕軟滑 抹茶香幾濃特愛呢款甜品✨期待餐廳加入新產品 提供更多食物選擇水準仍然保持到 但服務有待改善 掛住呢個味道時都會繼續幫襯👍食物: 7.5/10環境: 8/10服務: 7/10性價比: 8/10
繼續閱讀
🍱鯖魚丼👍🏼👍🏼👍🏼- 鯖魚肉好淋，唔駛咬已經係口入面散開，配上微酸嘅醬油好好味- 玄米茶好香，有埋個熱水壺自己加水+有個沙漏仔顯示焗幾耐先可以飲👍🏼👍🏼- 醃蘿蔔酸酸甜甜幾好味，不過有少少太甜👍🏼- 麵豉湯大致ok，但湯粉沉哂底+唔溶，最後兩三啖好鹹同一堆泥咁🤔- 個飯啡色嘅，以為撈咗啲豉油？但完全冇味，莫講話珍珠米嘅香，連普通米嘅香都冇，最後係撈落剩嘅醬油食.🍨香港特別版芭菲👍🏼👍🏼👍🏼- 綠色嗰幾塊抹茶愛玉（？）軟綿綿又幾滑，抹茶味好夠👍🏼👍🏼- 個雪糕抹茶味幾濃- 丸子煙韌有咬口，但又唔會過硬，本身冇味所以要撈雪糕食- 紅豆偏甜，但夾埋啲冇味嘅透明愛玉平衡返個味蕾- 啲脆米令成杯芭菲個口感豐富咗.🤵🏻♀️服務- 有個戴眼鏡嘅waitress無論係俾單、俾濕紙巾、定最後俾visa部機都係黑住面用掉嘅方式，所有嘢都係喺枱面度滑翔咗一段距離先停低，而佢掉嘢時係望緊另一個方向，呢種行為喺呢個價位嘅日本餐廳都係第一次見😂- 另一個waitress就長期企喺路中心望實嗰幾枱客人，都幾大壓力，建議可以貼牆企同望少啲客人，相信客人有需要會夠大聲- 廚房有個姨姨唔知點解隔一陣就會行出嚟一齊唔出聲望實啲客人，壓力又再大咗😂- 建議管理層諗吓係咪福利或者指引方面有不足，先搞到啲服務奇奇怪怪
繼續閱讀
綠茶芭菲唔錯，但有啲偏甜。男友唔太想食甜品，但因為每個人都必須消費既關係，所以點左個照燒雞扒飯。雖然知道呢間係主力賣甜品既店舖，但估唔到個飯的水平真係差得有點過份！明顯地，個雞扒飯係啱啱係微波爐叮完出嚟，雞扒又乾又冇咩肉，剩係得啲皮，翻熱之後更加係淡而無味；飯就因為岩岩叮完，軟硬度不一，口感味道有d 怪；整體連普通既茶記都比唔上。其實明白對於主打甜品既店鋪，對熱食的要求唔應該有太大期望，但如果係呢個水準，建議將呢個照燒雞飯從個menu delete，唔好嚇親人。
繼續閱讀
早年剛開業，已惠顧過好幾次，剩係食過刨冰同雪糕。當年服務已不太好。今日再去幫襯，由帶位，落單，端上食物，叫上甜品，埋單，每個都係黑面位，吸收晒香港茶餐廳嘅服務態度。話晒日本品牌，台灣都有分店，我都幫襯過，寧寧捨捨香港店員服務就無乜禮貌，唔知係香港問題，定管理層問題，總之麻麻哋自在。no next time！真係唔會再畀機會佢！至於食物，茶、芭菲、牛肉飯都係淡而無味。盛惠200大元，值唔值得去，自己諗。
繼續閱讀