鮮入圍煮 (已搬遷) 新店位置

收工收得夜，要搵間開得夜嘅店舖食野都要花多少時間。不過印象中登打士樓上有間打邊爐嘅，就去碰下運氣，收三點都ok啦。記得以前係按人頭收費一人一鍋，依家轉左散叫同係大鍋！兩個人叫左鴛鴦鍋麻辣&鮮茄薯仔，菜苗同白菜仔，鮮牛肉同黑毛豬，公仔麵同蝦子麵，雞肶菇，海膽丸同炙燒芝士丸。湯底愈煮愈濃，鍾意最後煮麵食果時入晒味！牛同豬肉都唔唔老，嫩嫩的。重點一提炙燒芝士丸濃濃芝士味，正！菜的話覺得白菜仔好食d。飲料方面叫左汽水啤酒，全玻璃樽裝的。各位諗唔到邊度食可以去試下。