影片
更多
2016-10-28
3130 瀏覽
食自助餐最主要既目的一定係要 "回本"所以一定要有齊高回本既野食, 就係生蠔, 蟹腳, 龍蝦等海鮮!!! 今次我就去左間有齊哂所以我鐘意食既高回本食物；生蠔, 蟹腳, 龍蝦, 鵝肝同埋好多款精美甜品~~最重要既係價錢好抵食, 真係要同大家推介架!!! 適逢屋企人生日, 就揀左黎 8度海逸酒店食 Dinner Buffet"*原因就係十月及十一日生日既朋友, 帶三位好友黎惠顧自助晚餐；當月生日個個就可以享有半價優惠啦, 真係好抵~~~位於土瓜灣既 Cafe 8 Degrees 唔算太就腳!!其實佢地有提供 shuttle bus 服務架, 係紅磡港鐵站, 尖沙咀九龍酒店及太子都有得搭；而且穿梭巴士既時間都算頻密, 就算唔就腳都唔怕啊~~ 一黎到就梗係睇下有咩生蠔先啦~~呢度分別有兩款即開生蠔：法國既 Fine de Claire & 美國既 Pacific Oyster 師傅即點即開, 即刻用水沖洗乾淨就上碟"*每人每次只可拎兩隻, D生蠔都幾大隻下, 都幾肥美下!!!法國蠔較重海水味且爽口；而美國蠔就 Creamy 又鮮甜, 個人就喜歡美國蠔多D啦~~師傅既開蠔速度都好快, 而且生蠔質
所以一定要有齊高回本既野食, 就係生蠔, 蟹腳, 龍蝦等海鮮!!!
今次我就去左間有齊哂所以我鐘意食既高回本食物；
生蠔, 蟹腳, 龍蝦, 鵝肝同埋好多款精美甜品~~
最重要既係價錢好抵食, 真係要同大家推介架!!!
適逢屋企人生日, 就揀左黎 8度海逸酒店食 Dinner Buffet"*原因就係十月及十一日生日既朋友, 帶三位好友黎惠顧自助晚餐；
當月生日個個就可以享有半價優惠啦, 真係好抵~~~
位於土瓜灣既 Cafe 8 Degrees 唔算太就腳!!
其實佢地有提供 shuttle bus 服務架, 係紅磡港鐵站, 尖沙咀九龍酒店及太子都有得搭；
而且穿梭巴士既時間都算頻密, 就算唔就腳都唔怕啊~~
一黎到就梗係睇下有咩生蠔先啦~~呢度分別有兩款即開生蠔：法國既 Fine de Claire & 美國既 Pacific Oyster
師傅即點即開, 即刻用水沖洗乾淨就上碟"*每人每次只可拎兩隻, D生蠔都幾大隻下, 都幾肥美下!!!
法國蠔較重海水味且爽口；
而美國蠔就 Creamy 又鮮甜, 個人就喜歡美國蠔多D啦~~
師傅既開蠔速度都好快, 而且生蠔質素唔錯, 真係可以食多好幾轉丫"*
另外凍海鮮款式都幾多, 有皇帝蟹腳, 紐西蘭青口, 蝦及螺"*眼見擺放出黎數量都幾多, 而且 REFILL 得都幾快手!!!
第一選擇就梗係皇帝蟹腳啦~~~
全部都大大隻又夠長, 剪開後啖啖肉咁, 十分鮮甜"*
真係可以食到一打咁多架!!! (係食到先好, 千其唔好浪費丫~)
Buffet 又點少得壽司刺身呢~~呢度款式也不少, 有蟹柳, 玉子, 三文魚, 油甘魚, 章紅魚, 吞拿魚, 魷魚!!!
每次可以揀三至四款架"*
令人驚喜既係竟然有和牛刺身丫~~
從來不試過係自助餐上面有得食架"*
紅卜卜好新鮮, 食落去鮮甜, 大家真係要試下!!!
接著就一定去排隊拎厚厚既鵝肝!!!塊鵝肝仲厚過塊多士, 食落口感非常棒, 配埋特製既黑松露汁特別惹味~~
雖然膽固醇好高, 但係忍唔住食多幾件啊"*
仲有另一邪惡食物：芝士香草忌廉汁炒波士頓龍蝦半隻龍蝦鋪滿芝士忌廉汁, 拆出黎啖啖肉, 食得非常滋味；
雖然唔係太大隻, 但係食完都有少少滯及漏架, 真係食半隻好啦~~
熟食方面都有好多選擇, 有中式及西式的"*個人推介香草烤羊扒, 燒腩仔, 燒特級牛肉及咖哩配脆薄餅~~~
水準不錯的喔!!!
唔想食咁多肉類既, 都有沙律吧可以自選沙律!!!還有各款芝士及凍食的小吃~~~
飲品方面可以係選擇自助餐裡的橙汁, 蘋果汁等飲品~~~另外每位客人都包一杯 drinks 的!!!
最後就係攻陷甜品區啦~~~呢度既甜品樣樣都好精緻, 細細件咁可以比客人食多幾款!!!
仲有 Häagen-Dazs 及 Dreyer’s 雪糕, 認真豪氣"*
大家必試佢地既皇牌芒果拿破崙及軟心芝士撻!!!芒果拿破崙既酥皮超脆, 芒果夠甜, 加埋吉士醬真係超好食；
而軟心芝士撻又香又唔膩, 細細件食完唔得膩~~
另外大家記得睇準時間去拎即場焗製既朱古力心太軟啊"*一切開就即刻流哂朱古力漿出黎啦, 朱古力味好香濃~~
係唔係樣樣野食都好吸引呢???
記得同埋生日既朋友黎大擦一餐啦!!!
張貼
