影片
更多
2021-11-22
4461 瀏覽
餐廳：紅伶飯店 (油麻地)地址：油麻地砵蘭街10-16號宜發大廈地下D及E號舖紅伶飯店喺佐敦區嘅潮州打冷老字號，舊鋪開業超過50年，不過經歷疫情後年幾前宣布結業🙁。事隔一年，紅伶飯店喺今年嘅5月中喺油麻地砵蘭街重振旗鼓🎉，希望將傳統嘅潮州菜同人情味重新帶返比附近嘅街坊紅伶飯店嘅正宗打冷享負盛名，紅伶即喺粵劇入面當紅嘅命名，以紅伶飯店嘅人氣嚟睇，都真喺算得上潮州打冷菜館嘅紅伶之一😎，佢哋較為受歡迎嘅打冷菜有冰鎮墨魚🦑、小炒王、滷水鵝等行入飯店以為得十張八張枱，原來佢哋佔地兩層，地下有一個燒味外賣部同收銀，而二樓佔地更廣，起碼有三四十張枱，我星期日晚過嚟食飯都坐滿晒人咁濟🤣，店員安排我坐喺二樓，想過嚟圍爐食打冷嘅人就要趁早拎位喇😌✝️秘製枝竹羊腩煲(細) $398踏入秋冬季節點可以唔叫羊腩煲呢😋，雖然細煲價錢都好似貴咗啲，不過飯店老闆用咗幾十年心血研製秘製嘅羊腩汁配方，用瓦煲上枱，裡面嘅羊腩份量真喺多到一個點🤭，馬蹄、枝竹亦唔少，三五知己圍埋取暖食羊肉補吓身都唔錯。羊腩炆得非常腍🐏，有啲軟骨可以咬碎食埋都得，肉嫩之餘皮肉比例均勻，羊腩羶味唔重，唔喺咁鍾意食羶味嘅人都啱👻✝️椒鹽鮮魷 $108其
地址：油麻地砵蘭街10-16號宜發大廈地下D及E號舖
紅伶飯店喺佐敦區嘅潮州打冷老字號，舊鋪開業超過50年，不過經歷疫情後年幾前宣布結業🙁。事隔一年，紅伶飯店喺今年嘅5月中喺油麻地砵蘭街重振旗鼓🎉，希望將傳統嘅潮州菜同人情味重新帶返比附近嘅街坊
紅伶飯店嘅正宗打冷享負盛名，紅伶即喺粵劇入面當紅嘅命名，以紅伶飯店嘅人氣嚟睇，都真喺算得上潮州打冷菜館嘅紅伶之一😎，佢哋較為受歡迎嘅打冷菜有冰鎮墨魚🦑、小炒王、滷水鵝等
行入飯店以為得十張八張枱，原來佢哋佔地兩層，地下有一個燒味外賣部同收銀，而二樓佔地更廣，起碼有三四十張枱，我星期日晚過嚟食飯都坐滿晒人咁濟🤣，店員安排我坐喺二樓，想過嚟圍爐食打冷嘅人就要趁早拎位喇😌
✝️秘製枝竹羊腩煲(細) $398
踏入秋冬季節點可以唔叫羊腩煲呢😋，雖然細煲價錢都好似貴咗啲，不過飯店老闆用咗幾十年心血研製秘製嘅羊腩汁配方，用瓦煲上枱，
裡面嘅羊腩份量真喺多到一個點🤭，馬蹄、枝竹亦唔少，三五知己圍埋取暖食羊肉補吓身都唔錯。羊腩炆得非常腍🐏，有啲軟骨可以咬碎食埋都得，肉嫩之餘皮肉比例均勻，羊腩羶味唔重，唔喺咁鍾意食羶味嘅人都啱👻
✝️椒鹽鮮魷 $108
其實整椒鹽鮮魷一啲都唔難，處理好魷魚再拎去炸、整埋椒鹽佐料就搞掂🧂，不過要整得好食真喺一啲功夫都唔少得。平時食開嘅椒鹽鮮鹽有啲就好厚粉，有啲一放入口就鹹到要瘋狂飲水😧，
但紅伶嘅魷魚除咗鮮嫩爽口之外，外層皮薄鬆脆一啲都唔粉，最重要椒鹽佐料香得嚟唔會太鹹太濃味，算喺食過數一數二嘅🏅
✝️蠔仔肉碎粥(小) $38
去親潮州菜館基本上必叫蠔仔粥，叫咗碗細嘅都夠1-2人分，
裡面蠔肉較為細粒🦪，食落無咩腥味，仲加咗魷魚🦑、肉碎、芫荽等配料，最重要喺米粒分明，粥水香濃，果然無叫錯😜飯店咁多嘢食，下次一定要叫多啲朋友嚟試多啲唔同嘅嘢先得👥
張貼
