正斗粥麵專家 (新城市廣場一期)

營業中

休息中

平時喺沙田，想食雲吞麵，又想坐得舒服啲都係去正斗，之前裝修，今日第一次去。今日星期日，睇落好多人，以為要等耐啲，但可能裝修多咗位，唔洗等好耐就入得。內部裝修比之前靚咗，隱蔽啲，仲有卡位望住玻璃。我叫咗雲吞河同陳皮牛肉球。雲吞好似細過以前，但味道保持水準，蝦米味重；河粉少淋，可以接受；牛肉球喺我食完雲吞麫上枱，時間啱啱好，有陳皮味，但無諗過會無牛肉味，少少失望。裝修後整體服務好咗，人手快咗，茶夠熱，如果無牛肉球，呢餐滿意。