正斗粥麵專家 (新城市廣場一期)

營業中

休息中

屋企人聽我話想食水餃，就帶左我黎呢間正斗麵店。７點未到，門口已經企滿哂人，閒日且時間尚早，所以等左１陣就入坐。我點左個水餃麵，麵身爽口彈牙，湯底無咩鹼水味， 好啱我呢D唔太好重鹼水既食客，水餃大大粒，材料比例適中，口感豐富，麵既份量足夠一般女生既食量，如果是男生，相信要加大。牛腩好夠火候，炆得好淋。因為唔見有牛腩麵加底，所以加了１碟炸兩，炸兩個腸粉皮夠薄，油炸鬼少少脆，豉油也好味，美中不足是上檯唔夠熱，失分。楊州炒飯，蛋汁包裹每１飯粒，炒得好乾身，軟硬適中。唔錯

平時喺沙田，想食雲吞麵，又想坐得舒服啲都係去正斗，之前裝修，今日第一次去。今日星期日，睇落好多人，以為要等耐啲，但可能裝修多咗位，唔洗等好耐就入得。內部裝修比之前靚咗，隱蔽啲，仲有卡位望住玻璃。我叫咗雲吞河同陳皮牛肉球。雲吞好似細過以前，但味道保持水準，蝦米味重；河粉少淋，可以接受；牛肉球喺我食完雲吞麫上枱，時間啱啱好，有陳皮味，但無諗過會無牛肉味，少少失望。裝修後整體服務好咗，人手快咗，茶夠熱，如果無牛肉球，呢餐滿意。

由一九四六年以何洪記起家的街邊檔, 一直秉承父業將老字號改名為“正斗粥麵專家”, 勞力不懈將店鋪發揚光大, 至今在不同商場內都見到蔽店蹤跡 👍🏻餐廳半開放形式設計, 由於它是在外圍位置, 相對私隱度比較高, 怕被外人看到也不用太介懷 😊 餐廳內用一個個圓型及橢圓形火花球吊燈, 添上一點氣派。炸兩 $54油炸鬼炸得非常鬆脆, 一咬會發出“卡擦”聲音, 絕對是我吃過最脆的炸兩 😋 腸粉皮薄且滑, 雖然有一層油, 但不會有油膩感。雲吞麵 (細) $50正斗始終是雲吞世家, 雲吞麵絕對是其中一道出色菜式, 雲吞蝦肉大大粒, 爽口彈牙, 湯底並沒有一般雲吞麵會出現的鹼水味, 這一點很讚 👍🏻叉燒包 $44與一般酒樓差不多, 叉燒醬再均勻一點會更理想。蝦餃 $48蝦肉跟上面雲吞麵一樣, 不多說明, 只是蝦餃皮粘性太高, 而且也非晶瑩剔透, 並不是我喜歡的口感 😅流沙包 $42雖然一咬都把奶黃流出來, 可是最先流出來的是一堆油, 一流入口已急不及待吐出來 🤮 從未試過有這種效果, 也不明白箇中原因 😑 菜遠濕炒牛河 $118味道上還可以, 但芡汁太多, 明白芡汁多容易處理, 不易“痴鑊”, 但芡汁也

簡單搵間餐廳，唔想食太飽因為暈少少食晚飯，3點鐘餐廳唔太滿，係出面等左一陣，俾安排最遠最後近走廊坐位，明明入面有其他位置，不過走廊位面向大會堂，風景不錯，但越坐越熱，都係快食所以無咩所謂。食物一般，價錢都唔太平民。

終於知道點解呢間粥麵店未到十二點已經爆滿，因為真係幾好食。要坐到最入嘅位置，都好嘅，無咁多人環境靜啲。唔晒諗即刻叫咗碗雲吞麵，蝦同肉嘅比例啱啱好，一啖一粒，皮夠薄，唔錯！麵無梘水味，湯用最傳統嘅做法——大地魚湯，好鮮甜。加埋一的話70幾蚊，其實又唔算貴，好食咪得囉，食碗拉麵都唔止呢個價啦。朋友就叫牛肉撈麵，好搞笑，佢話因為貪佢唔熱，天氣熱唔想食湯麵。牛有口感有牛味，我無食到，唔知個湯係咪一樣呢？最後叫多個菜苗餃，一籠四粒，我口細分兩啖食，都足料。最意想不到係杯豆漿，豆味濃一啲都唔甜，睇嚟下次要試埋正斗啲糖水。

正斗鮮蝦雲吞麵 (小/ S $50) (大 / L $64)鮮蝦雲吞麵有2款價錢，分別係大碗同細碗，大碗份量有6粒鮮蝦雲吞，加一個麵餅。而細碗份量就係4粒鮮蝦雲吞，加半個麵餅～本身諗住食完一碗雲吞麵就走，後尾諗諗下～既然一場嚟到，話晒都要俾茶錢嘛🤣無理由就至少都試多一款嘢食啦！🤣🤣所以揀碗細size雲吞麵再加一碟點心啦～鮮蝦雲吞實物係會較出面坊間嘅細粒dd ，屬於一啖食晒一粒嘅口感，不過蝦粒都幾爽口㗎！翡翠菜苗餃 $44有4粒翡翠菜苗餃，同鮮蝦雲吞一樣，都係屬於一啖食晒一粒嘅口感，比出面坊間嘅會細粒dd，一粒就包住一節蝦肉同切得比較細碎嘅菜苗茶位 $6 / 人*～**～**～*～**～**～*～**～**～*～**～💌地址：正斗粥麵專家 (新城市廣場) (沙田)沙田沙田正街18號新城市廣場一期1樓119號舖*～**～**～*～**～**～*～**～**～*～**～

平日行過新城市正斗，就諗住試吓佢個雲吞麵，因為一個人，佢比咗張大枱我，問我介唔介意搭枱，咁我都唔介意嘅，但最介意嘅係，嗰碗雲吞麵真係令人十分失望，失望到要寫食評😅諗住對自己好啲，食個好好味嘅lunch 為自己加加油，點知。。。我叫咗一碗細雲吞麵同一碟蘿蔔糕，個雲吞麵個麵同湯都ok 嘅，但係個雲吞就真係可以講難食，得個鹹字，個皮仲有怪味，好似有d 就嚟壞嘅味道，好難形容😟😟個蘿蔔糕以為好d… 點知好似用油浸，多油到一個點😣仲要好淋，淋到一夾即散😣兩樣都唔好食，真係。。。但我都盡力食曬佢，避免浪費食物！！

等位安排又差, 阿姐唔識分配位, 4人比張8人坐搞到大枱要坐細枱鍾意比人鬧就黎!!! 服務態度惡劣, 不停漏單, 唔係一家大細餓都唔等所以無下次 收咁貴一d 都唔值D 嘢又唔好食真係貼錢買難受

個仔2歲半 大個仔可以唔坐bb櫈諗住費是麻煩人地特登搬張櫈黎唔坐 埋單竟然要6蚊茶錢 話因為冇bb櫈就要收從來未試過咁細個bb俾人收茶錢直頭覺得痴線唔合理 一家大細有細個小朋友既真係唔好幫襯完全唔明白係乜野邏輯 收錢位呀姐仲要勁串勁黑面 我湊住兩個1歲同2歲既小朋友費事同佢嘈 雖然只係6蚊 唔係咁樣黎劏客掛？

今日年初三，因為去馬場，於是喺新城市廣場附近搵食，好多酒樓都已經爆滿，要等成200張飛，見到呢度較少人等，只係十幾張飛，於是決定一試，點知都有小驚喜！侍應姐姐先送上「開運小食」，其實即係笑口棗同酸蕎頭。雖然成$30 ，但我同屋企人都未食過咁好食嘅笑口棗，佢口感非常鬆化，味道鹹甜得宜，食完一粒實在想食多粒！然後我哋叫咗千層糕、排骨、流沙包、羅漢齋春卷、炸兩、菜苗餃、滑蛋蝦仁炒飯、銀牙肉絲炒麵。千層糕同流沙包唔太甜，但口感極佳，味道極好！而羅漢齋春卷餡料味濃，外皮脆口！滑蛋蝦仁炒飯蛋味濃郁，配合上乾身嘅炒飯，口感豐富， 十分滿足！

正斗雲吞麵不嬲都比較出名🤓雖然平時都無乜留意🙈但住開沙田所以都係會試下嘅🙋🏻‍♀️同朋友食所以叫咗大嘅雲吞麵同肉丸粥🤡作為以雲吞麵為招牌嘅正斗👀雲吞麵就唔算特別驚喜但都係不過不失的✔️鮮蝦雲吞都有咬口嘅而全蛋麵亦中規中矩⭕️反而肉丸粥有少少驚喜🙈粥比較綿唔會太稀而且唔會乏味✨肉丸份量亦都唔算少👍🏻總括而言食物唔算差都可以一試的🤓

有日同屋企人諗住去食嘢，喺門口同個staff講6個人，佢答我：6個人要撩鼻自我檢測先可以入嚟 =.= （防疫政策係要求8人或以上，並非6人….） 我同佢講我哋有位老人家，5月底開始計已經打咗兩針，有針紙show比佢睇可以做疫苗通行證，佢答我：三針先得。 咁我再同佢講我哋都係跟疫苗政策姐，之前去其他餐廳都入到去堂食，佢答我：咁唔該你去返比你地入去嘅餐廳，總知我哋呢度唔比。 😂點解可以咁冇禮貌😂

星期日想食下點心，見周圍酒樓都大排長龍。行過正斗見有點心，又唔洗排隊入座，當然要去一試啦！都知道佢係主打粥麵，所以本身都無抱太大嘅期望，只不過比想象中更差今次叫左五籠點心：炸兩：本身係我最期待嘅野食，諗住作為粥粉店，炸兩應該有翻咁上下水準，結果係我食過最難食嘅炸兩。入面油炸鬼唔熱辣辣都算，仲要又凍又硬，真係幾令人失望菜苗餃鮮竹卷蝦餃排骨其他點心都普普通通，蝦餃菜苗餃好似4粒份量好多咁，不過其實比出面一籠3粒細粒啲，所以都係差唔多份量。總括而言，下次都唔會再黎食點心，有機會都只會試下麵就算

—𝗠𝗲𝗻𝘂 𝗼𝗳 𝘁𝗵𝗲 𝗱𝗮𝘆 ☁️🍜正斗鮮蝦雲吞撈麵原汁柱侯牛腩麵蟹子棉花雞安蝦咸水角—爸爸之前成日經過話想食🥢🤭終於同左佢黎食正斗🤤🤤覺得以呢啲雲吞麵黎講正價都幾進取🙈因為同出邊牛腩麵舖差唔多大細〰️😣裝修舒服 有點心叫 亦有另收茶介🫖—因為我唔想食湯麵 所以叫左撈麵跟既上湯唔係味精味✨雲吞細細粒一啖過 真係幾好食覺得呢個價錢又真係好合理🤣🤭🤭〰️爸爸碗牛腩麵啲牛腩炆到好林好入味〰️點心方面🥧棉花雞超高質魚肚超入味 勁正🥹🥹👅不過咸水角就好厚皮 一般般 食唔到蝦😣(係佢自己個菜式名寫住有蝦🤣—💰hkd $263 w/ 10% service charge (2ppls💞)📍Tasty Congee & Noodle Wantun Shop (New Town Plaza)Shop 119, 1/F, New Town Plaza Phase 1, 18 Sha Tin Centre Street, Sha Tin.

2022新的一年到沙田，下午茶吃了茶木的麵包磚，行完大運肚子不太餓，想到最好不過就是吃我最愛的雲吞麵。正斗粥麵專家在新城市廣場有分店元旦關係，人流不少，已接近晩上八時半，還是要等位，等了約十多分鐘，可入座二人桌，枱上放滿調味品和餐具，侍應送上兩杯熱茶，點了兩碗雲吞麵湯底不錯，有大地魚味，薄薄的雲吞皮包著一粒蝦，剛好一口一粒雲吞的大小，蝦鮮爽彈，麵質本身不錯，但可能餐廳面積大，麵煮起送達上枱需時，已開始淋，沒有爽彈口感，令人有點失望的雲吞麵。埋單: 收茶芥$5/位，另收加一，每碗雲吞麵$45，埋單$110供大家參考的餐牌