焱丸水產 (已結業)

今日中午路過呢間焱丸水產，見到門口色彩繽紛，貼滿了食物相同餐牌，望落去價錢唔貴，所以就入去幫襯。餐廳好有日本居酒屋風格，周圍既佈置都係日本風，仲有塌塌米嘅卡位餐廳有好多野食可以揀，刺身，壽司，爐端燒，一品鍋，講得出既都有得食。叫左份燒大蝦，燒多春魚，牛肉喜壽鍋，同埋好有特色嘅梅子乾whisky。燒大蝦同多春魚都係即場在枱上燒。整個過程由侍應負責，見佢地好耐心咁慢慢去控制住火候，尤其係燒多春魚，要好技巧先唔會整爛條魚牛肉壽喜燒嘅牛肉好靚，唔係一般餐廳俾肥牛，咬落去好冧，好有牛味。湯底好甜，配料好足，蔬菜好新鮮，好甜。