拉麵台風 (已搬遷) 新店位置

喺荃灣食晏，12點經過呢度見到未開門已經有人排隊，直覺呢間野應該唔錯，排隊入去坐bar枱，叫左個每日限量30碗嘅沾麵，想食飽啲，所以加左紫菜同埋义燒，上檯嘅時候有兩碗嘢，其中一個嘅大碗𥚃面放左伴菜，有紫菜丶洋葱絲丶菜絲，至於主菜嘅有义燒丶半隻流心蛋丶麵條，全部都喺冷嘅，另一個細碗啱啱相反，裝左熱嘅沾麵醬汁，食嘅時候將冷面放入熱汁𥚃面撈一撈，再啜入口，又好玩又好食，想講每碗嘅份量都唔少，絶對食到飽飽。