影片
更多
2023-07-22
3523 瀏覽
很久沒來土瓜灣的8度海逸酒店了，家陣多了港人外遊，好多自助餐都減價搶客，而且食物又沒有因貨就價，正。而且MTR通車，出入都好方便。首先係逢星期一至五（8折）成人$598 / 長者$508 / 小童$438星期六、日、公眾假期及前夕（85折）成人$638 / 長者$568 / 小童$498每位成人或長者惠，同行一位小童半價。首100位客人，可享額外9折優惠，即係折完再折。同行4位或以上，生日之星已經半價，仲有free紅或白餐酒乙支；又可以選擇一磅免費生日蛋糕連紅或白餐酒乙支，真係優惠多多。可以折扣真的吸引，是日就算是平日，都有9成滿。美國生蠔雖然沒有龍蝦，但竟然有美國生蠔，加上已經不是大而無當，而係入口有蠔味，邊位帶爽，仲可以食多幾 round，好滿足。另外仲有西式芝士焗蠔及中式蒜蓉辣椒焗蠔兩款，前者口感豐腴，而後者香口惹味，難怪好受歡迎，不過refill得好快。清酒煮鮮鮑魚又係一個回本位，用上新鮮貨，柔韌肉質與雪貨是兩碼子的事。加上海鮮有青口、長腳蟹爪、翡翠螺及凍蝦，雖然沒有龍蝦，但已經好夠。刺身竟然有和牛刺身，肉味幾香，不錯。刺身種類比起好多酒店強，計有赤蝦、赤貝、帶子、吞拿魚、三文
很久沒來土瓜灣的8度海逸酒店了，家陣多了港人外遊，好多自助餐都減價搶客，而且食物又沒有因貨就價，正。而且MTR通車，出入都好方便。
首先係逢星期一至五（8折）成人$598 / 長者$508 / 小童$438
星期六、日、公眾假期及前夕（85折）成人$638 / 長者$568 / 小童$498
每位成人或長者惠，同行一位小童半價。
首100位客人，可享額外9折優惠，即係折完再折。
同行4位或以上，生日之星已經半價，仲有free紅或白餐酒乙支；又可以選擇一磅免費生日蛋糕連紅或白餐酒乙支，真係優惠多多。
可以折扣真的吸引，是日就算是平日，都有9成滿。
美國生蠔雖然沒有龍蝦，但竟然有美國生蠔，加上已經不是大而無當，而係入口有蠔味，邊位帶爽，仲可以食多幾 round，好滿足。
另外仲有西式芝士焗蠔及中式蒜蓉辣椒焗蠔兩款，前者口感豐腴，而後者香口惹味，難怪好受歡迎，不過refill得好快。
清酒煮鮮鮑魚又係一個回本位，用上新鮮貨，柔韌肉質與雪貨是兩碼子的事。
加上海鮮有青口、長腳蟹爪、翡翠螺及凍蝦，雖然沒有龍蝦，但已經好夠。刺身
竟然有和牛刺身，肉味幾香，不錯。
刺身種類比起好多酒店強，計有赤蝦、赤貝、帶子、吞拿魚、三文魚、油甘魚、蟹柳、玉子及鯖魚，解凍處理得恰當，沒有討厭的雪味，蘸點醬油來提鮮，味道更佳。
壽司首選燒炙牛肉卷，油香滿滿，又有加州手卷及鮪魚蔥軍艦。Carving Station
脆皮豬腩最愛豬皮位脆卜卜，陣陣油香。
特級燒牛肉就等到中間較生的位置先出手，鬆軟有嚼口，我喜歡。
湯
西式忌廉蘑菇湯飲落好香蘑菇味，而且有點點碎粒，而韓國人參雞湯就甘甜可口。
冷熱食的海鮮類都有好多。
木魚清酒大蜆滿是酒香，肉質又嫩，最緊要係無砂。
韓式泡菜芝士煮藍青口辣辣地好惹味。
仲有韓式辣炸荷蘭比目魚、香煎海盲鰽、燒春雞、名古屋炸豬扒、辣酒煮翡翠螺、海鮮炒四季豆、醬油芝麻炒雜菜及櫻花蝦蟹子炒飯。熱葷
基本上以肉類為主。
燒羊扒羶味輕盈，好怕臊的女士。
紅酒燴牛尾炆得好稔，如果配碗白飯拌汁仲吸引。
蒜蓉芝士大蝦
好有中菜館風味，有埋伊麵置底會更正。
之後係日韓菜色。
有雜菜關東煮、日式牛腩配香辣海藻、韓式大蝦雜菜薯粉絲、韓式泡菜野菌炒大豆芽、韓式牛仔骨、豉汁涼瓜炆鴨及蒸小籠包。
咖喱類有咖哩雞、咖哩雜菜、咖喱牛腩配薄脆片。
串燒類
即燒即食，有牛肉、多春魚、雞肉以及露筍，每款各點一串，好香口。
炸物有軟殼蟹天婦羅。
Cold Cut
有Cheese Platter、Cold Cut 、煙三文魚和煙鯖魚柳。
前菜類
想先開開胃口，大可試試前菜類。
韓式雜錦前菜、日式雜錦前菜及泰式鳳爪，都係屬於開胃菜。
其他有大啡菇、特色醉雞翼、水牛芝士鮮茄沙律、泰式魷魚沙律、秋葵沙律加上DIY 沙律。甜品
甜品一向是餐廳強項，單係Movenpick迷你杯裝雪糕，已經有士多啤梨、Panna Cotta Raspberry、Espresso Croquant、香草及瑞士朱古力，口味眾多，而且獨立包裝，保證衛生。
至於係甜品區，就有北海道3.6牛乳布甸、芒果忌廉蛋糕、雜錦蛋糕、草莓慕斯蛋糕、雲石芝士餅、車厘子撻、牛油麵包布甸配雲呢那汁加埋抹茶軟芝士餅，陣容真係好豐富，而且好啱自己胃口。
每隔十幾分鐘出爐的蛋白梳乎厘，熱辣辣又充滿蛋香，又係必食。旁邊的抹茶紅豆白玉蛋糕、葡撻、熱香餅配Movenpick雪糕以及蛋白杏仁茶，都有一定的捧場客。
飲路當然係任飲奶茶、咖啡、可樂、蘋果汁同橙汁，計落又慳返不少。
張貼
